A vindoura quinta-feira dia 29 às 20:00hrs, na Sala Reimundo Patinho da A.C.Revira, terá lugar a inauguraçom da exposiçom colectiva de sete moços estudantes de Belas Artes em Ponte Vedra que querem apresentar os seus últimos trabalhos pictóricos.
Em palavras da comissária da amostra, a artista Sarai Fernández, a expossiçom, que tem como título Boxx, é o resultado de meses de trabalho por parte dos artistas Arbons, Lou, Muru, Niño, Radio, Canya e Güi; que embora nom tendo umha linha de trabalho concreta, cada um explora na sua própria dimensom conceitual o tema "plano", linha base do encontro colectivo, que sem supor um corsé, deixa que cada um deles procure a sua característica definiçom dentro do campo de trabalho. Uns exemplos som a força dos "enfrontamentos" pictóricos de Muru ou a búsqueda da armonia de Lou. É por isso que a amostra será umha interessante amalgama de diferentes visons, muito recomendáveis ainda que seja tam só pola curiosidade de observar às mais novas geraçons de artistas que saem das faculdades de Belas Artes, neste caso na nossa própria cidade".
Na inauguraçom da expossiçom servirá-se um vinho ao público assistente.