A quinta-feira 26 de Abril às 20:30 da tarde terá lugar no nosso centro social umha palestra organizada por NÓS-Unidade Popular e Unidade da Esquerda Galega e apoiada pola Coordenadora Galega de Solidariedade com Cuba, sob o título "A Revoluçom Cubana Hoje". Nela participará Manolo Diaz, comandante de Sierra Maestra.

Continua:

Reproduzimos umha breve biografia dele e mais dos seus irmaos:

Os irmaos Diaz nascêrom na Póvoa do Brolhom, na Terra de Lemos. Os três irmaos, José, Faustino e Manuel, jogárom un papel mui destacado na luita contra a ditadura de Batista. Primeiro partiu José para a “Sierra Maestra”, depois Faustino e, por último, Manuel. José Díaz caiu em combate durante um duro confronto com as forças da ditadura, convertendo-se em mártir da Revoluçom.
Com o triunfo da Revoluçom, Manuel já tinha o grau de Comandante, ambos irmaos fôrom nomeados posteriormente Coronéis das “Forças Armadas Revolucionárias”. Manuel Diaz foi membro do primeiro Comité Central do Partido Comunista de Cuba. Na actualidade, os irmaos Diaz som militantes do PCC e directivos da Sociedade Artística Galega de Havana.
Pé de foto: Manuel Diaz conduzindo, ao regresso da viagem aos EUA de Fidel, ano 1959. Na fotografía, o Che a sua dereita, Camilo detrás e Fidel à sua esquerda.