Já decorreu a Festa da Língua na passada Quinta-feira com grande sucesso e participaçom.

Continua:

O companheiro Hadriám foi o encarregado de apresentá-la festa, recordando-nos a importáncia desta data e a necessidade de que todos os dias sejam o día da língua.

Perto do meio dia partia da praça da Verdura a ruada reivindicativa acompanhada do grupo de gaitas e música tradicional "Vento e Amig@s".

Repartírom-se centos de panfletos com a programaçom do dia e colocárom-se vários painéis relacionados com a nossa língua em lugares visíveis da cidade.
A seguir o espectáculo para crianças da mao de Códia e Miolo, um par de palhaç@s que deleitárom as crianças que enchiam a praça.

Pouco antes da umha da tarde deu-se leitura a um manifesto por parte do responsável da nossa associaçom, Foni, em que se denunciou a dramática situaçom que vive a nossa língua e a falta de interesse real que há por parte d@s responsáveis polític@s para encarar políticas efectivas que invertam a abafante espanholizaçom que padecemos.

Umha das actividades que maior êxito tivo foi a acçom de book-crossing, a qual despertou o interesse de muitas pessoas que passavam por lá. Repartírom-se mais de um cento de livros.

O hipe-hope do país, tal e como eles se definem, véu da mao dos Trasnos de Moscoso, umha banda que tem já três anos de andamento.

O seu som acompanhou-nos enquanto aguardávamos polo jantar, que reuniu cerca de 70 pessoas.

Depois do jantar o espectáculo de magia cómica do brasileiro Nilson

Para encerrar a jornada 6 poetas (Elvira Riveiro, Rosanegra, Cruz Martinez, Rafa Pindoulo, Kike Piares e Augusto Fontam) recitárom-nos vários poemas.

E isto foi todo.....até ao ano que vem!!!