Boas de novo! começa o novo curso e já estamos a preparar as actividades do centro social para este outono. Palestras, exposiçons, roteiros, cursos...Em breve subiremos toda a informaçom ao blogue, mas podemos ir adiantando que este ano os cursos que oferecemos seram de Galego (normativa AGAL), Pandeireta, Gaita e Português. Os horários, datas de apresentaçom e preço estaram prontos a mediados de mês.

Mas nom queriamos dar começo a este novo ano sem agradecer públicamente a todas aquelas organizaçons e pessoas que nos amosárom o seu incondicional apoio e solidariedade após o intento de queima do nosso local o passado 11 de Agosto. Em nome da Revira o nosso sincero agradecimento às seguintes organizaçons:

ADEGA
AGAL e o Portal Galego da Língua
APDR
Assembleia Aberta da Baiuca Vermelha
Aturuxo: Federaçom de associaçons LGBT da Galiza
BRIGA
CAF de Ponte Vedra
Centro Social Henriqueta Outeiro
Centro Social Gomes Gaioso da Corunha
Clube de Rol Tuata dé Danann
Fundaçom Artábria
Furya Granate
Galiza Nova Ourense
ISCA!
NÓS-Unidade Popular
Plataforma Ponte Vedra Antitaurina
Primeira Linha
Sempre con Vós. Cidadanía pola Verdade
Sociedade Cultural Mádia Leva!
A.C. Verbo Xido

Na madrugada da passada sexta-feira o Centro Social A Revira de Ponte Vedra foi atacado mediante um incêndio provocado. Só um rápido aviso d@s vizinh@s da zona aos bombeiros puido evitar uns danos muito mais graves, tanto do ponto de vista material como do pessoal. Lembramos que a Revira está situada na zona velha da cidade, onde a maior parte das casas som muito antigas, com interiores de madeira e, lógicamente, habitadas.

A intensa actividade na rua que vem desenvolvendo nos últimos meses a A.C. Revira provocou as iras de elementos fascistas da cidade, que se bem nom é esta a primeira vez que atacam o nosso centro social, sim o é com umha acçom desta envergadura. O dado mais significativo desta aseveraçom é que um dos elementos que empregárom para provocar o incêncio foi umha faixa que estivo pendurada na Praça da Peregrina até só dous dias antes sob a legenda de “Autodeterminaçom” e que desapereceu misteriosamente, o qual amosa premeditaçom bem calculada. Para mais inri, a mesma tarde do atentado, numerosos associad@s da Revira, junto com outra gente, membros tod@s da Plataforma Antitaurina de Ponte Vedra, enchérom a cidade com propaganda antitaurina, o qual deveu acrescentar as iras deste grupo, que se sentirá envalentonado com o “fervor nacional” que desprendem estas festas tam espanholas.

Desde a Associaçom Cultural A Revira exigimos por parte das autoridades municipais a investigaçom dos factos e localizaçom dos culpáveis. Resulta singelo seguir a pista de quem tivo que adicar algum tempo a despendurar umha faixa colocada a vários metros de altura e numha praça na que há várias cámaras de vídeo-vigiláncia.

Queremos agradecer as mostras de solidariedade expresadas por vários colectivos e pessoas, aos que queremos manifestar a nossa firme determinaçom para seguir trabalhando e organizando-nos desde a nossa comarca para contribuir à construçom nacional da Galiza, defender e promover a língua e cultura galega, o meio ambiente, os direitos da mulher e difundir valores solidários e internacionalistas.

Leia mais »

Acabamos de receber as fotografias da inauguraçom da expossiçom "Primeiros passos com fanequeiras velhas", a qual ainda se pode vissitar na sala Reimundo Patinho do nosso local social....e como bem se reflicte no dito popular....mais vale tarde que nunca!

Leia mais »

Já decorreu o I Torneio de Xadrez da Revira com muito sucesso. Dous dias de intensas partidas que tivérom como finalistas a David Farto e a Philip Adams, este último foi o ganhador do trofeio.
A seguir umhas instantáneas do decorrer do torneio.

Leia mais »