A presença de Alejandro Fuentes, cónsul de Cuba na Galiza, e de Moncho Leal, da Associaçom Galego-Cubana Francisco Vilhamil, chamou a grande público que lotou a sala Reimundo Patinho da Revira na tardinha de ontem.

Continua:

Temas como os grandes logros e conquistas da Revoluçom cubana em aspectos como a educaçom, a sanidade ou o internacionalismo; a situaçom dos "Cinco", os fluxos e refluxos da solidariedade galega com Cuba; as eleiçons cubanas destes dias, etc, etc, fôrom debulhados ao longo das quase duas horas que durou o debate. O público também participou do mesmo realizando a inevitável pergunda do que acontecerá após o falecemento do comandante em chefe Fidel Castro, assim como sobre os problemas e reptos aos que se enfronta Cuba após as novas ameaças verquidas por George Bush na última semana.
O acto finalizou com a actuaçom de Laura e Marinha Quintilham, as quais, para surpressa d@s presentes e especialmente do cónsul, tocárom o hino cubano, a seguir o galego, a Internacional, mais o hino soviético já que estes dias se celebra o 90 aniversário da Revoluçom de Outubro. Fôrom muito aplaudidas.

Nestes dias subiremos ao blogue o vídeo e o aúdio da palestra para quem nom puido assistir à mesma.

Com este debate finalizamos os actos desta semana adicada a Cuba, que tiverom o seu começo dous dias antes com a projecçom do filme Soy Cuba, de Mikhail Kalatozov. Filme de muito interesse tanto pola temática abordada como polo novidoso que foi na sua época do ponto de vista cinematográfico.