Da Revira queremos aproveitar o espaço do nosso blogue para espalhar a denúncia feita pol@s companheir@s da associaçom cultural e ecologista da Terra de Montes Verbo Xido.
Mais umha vez, o caciquismo governante no concelho de Cerdedo decidiu destruir o património cultural e histórico d@s cerdedenses, em concreto o antigo caminho medieval que vai desde a ponte de Santo António até a aldeia de Cavenca. Assim, o caminho percorrido polo padre Sarmento no século XVIII, como ele mesmo conta nos seus escritos, foi destroçado pola maquinária e o antigo muro que o limitava foi derrubado, à altura das Lameiras. Nom é de extrañar que umha Cámara municipal governada polo PP faga este tipo de cousas, mas neste caso há que dizer que também contou com a aportaçom económica e de maquinária da Conselharia do Meio Rural do BNG (será isto o rural vivo de que falam?).
Parabéns às amigas e amigos de Verbo Xido por defenderem dignamente o património natural e cultural da Terra de Montes, frente aos ataques do caciquismo de sempre e do mais recente.
Fotos do VII Roteiro Sarmiento celebrado o passado dia 14 de Dezembro