A próxima sexta, 26 de março terá lugar no C.S Revira de Ponte Vedra a apresentaçom do projecto em rede "Eufalo.tv", às 20:00h, onde falarám os criadores/as do projeto e se projectarám peças audiovisuais realizadas para o web.

Eufalo.TV é um projecto de documentário colaborativo, umha história colectiva sobre a língua do ponto de vista dos seus falantes. É, portanto, umha história feita a partir de pequenas histórias, um discurso feito com muitos discursos diferentes e variados, com o objectivo de que cada qual tire as suas próprias conclusons.

Eufalo.tv é também um web participativo onde os vídeos som os protagonistas, e onde cobra especial releváncia o envio de gravaçons por parte da comunidade. Todos os conteúdos estám baixo licença copyleft para permitir a difusom, com o qual qualquer pessoa pode difundi-los livremente.

Este projecto nasce a partir de umha iniciativa da equipa "A Navalla Suíza" que já desenvolvera com anterioridade o web "Flocos.tv", galardoado com o prémio Mestre Mateo a conteúdos interactivos. A equipa também está composta por umha equipa de colaboradores, entre os quais se atopam Noa García, Manu Mayo, Belén Regueira, Araceli Gonda, Xandra Tedín, Mabel Montes, Mónica Ares e Matías Tarrío.

A Associaçom Cultural A Revira soma a sua voz à da Rede Galiza Non se Vende para denunciar a destruiçom do território e o expólio dos nossos recursos naturais polas grandes empresas. Está mais do que demostrado que este modelo basseiado na acumulaçom e a explotaçom nom nos vale para viver dignamente.

Do litoral aos montes, dos transgénicos às especies invasoras das fragas, do urbanismo caótico à mulitplicaçom de infraestruturas para o transporte privado, o nosso país nom atura mais. Da Revira chamamos a construír um outro país e um outro mundo, basseiado nas pessoas e na natureza, e nom nos benefícios de uns poucos.

Esta quinta 18 terá lugar umha festa galego-irlandesa no nosso centro social. Às 20h projectaremos o filme de Ken Loach "O vento que agita a cebada". Às 22h começará a festa, com música, petiscos e cerveja.