A Associaçom Cultural A Revira organiza um curso de iniciaçom ao galego extenso e útil, à normativa reintegracionista, que visa reforçar a normalizaçom plena do galego por medio da sua inserçom no seu âmbito lingüístico próprio, o lusófono. Como defensores da língua galega, partimos do facto de os galegos e as galegas falarem já português, mas num formato muito castelhanizado, de jeito que a iniciaçom à normativa reintegracionista nom só ajuda à dignificaçom e regeneraçom da nossa língua por meio do abandono das impostas roupagens espanholas, senom também a melhorar a sua qualidade. Por último, entendemos que a iniciativa é necessária ante o interesse manifestado por diferentes sócios e simpatizantes da Revira, já que nas escolas galegas só se ensina a ortografia do castelhano, e esta é a galega adoita padecer um veto sistemático em numerossos âmbitos.

O curso, com um preço de apenas 3 euros mensais para pessoas associadas e de 5 para as nom-sócias, começará em setembro e durará até a fim do ano. As pessoas interessadas podem engadir-se ao grupo anotando-se no local social ou bem escrevendo a centrosocial@revira.org.

Para ir "abrindo boca", proponhemos um FAQ do reintegracionismo editado pola associaçom A Gentalha do Pichel (Compostela). Anima-te a participar do curso, descobre as possibilidades da tua língua!

Neste Sábado 21 de Agosto o Centro Social organiza umha Ceia Convívio aberta a todo o mundo a partires das 22:00 polo módico preço de 3€, todo isto acompanhado com boa música!.

Aproveita-mos para lembrar que manhá Quinta-Feira 19 ás 20:30 projectaremos a Terceira parte do Filme The Trap.

Que aconteceu com o nossos sonhos de liberdade? O aclamado director británico Adam Curtis analisa o que os líderes políticos ocidentais prometeron e como definem a nossa liberdade, a partir da auge do neoliberalismo, a imposiçom do egoismo e o benefício individual, ou os comportamentos programados, sugerindo que vivemos numha trampa case perfeita que nos controla, que causa morte e caos.... Da Revira projectamos ao longo deste mes de agosto este documentário, dividido em três partes, sempre às 20:30 horas, cientes de que será muito difícil concordar com muitas afirmaçons fracturantes (da teoria de jogos à do gem egoista), mas aguardamos que fomente um proveitoso debate:

Quinta 5: "Fode-te, companheiro"
Quinta 12: "O robot solitário"
Quinta 19: "Obrigaremos-te a ser livre"

Como de costume no nosso centro social, todas as projecçons exibem-se em Versom Original com legendas em galego.

O nosso centro social, sempre comprometido com a língua, organizou a apresentaçom da comissom promotora "Galiza com o galego", que tem como objetivo a criaçom de umha rede popular, de iniciativa social, de ensino em galego e laico.

Os representantes da iniciativa realizarom umha breve exposiçom do seu projecto -que conta já com mais de 1.800 aderentes organizativos ou económicos- que deu lugar a um vivo debate de umha hora de duraçom, entre os assistentes ao acto.