Após um ano no novo local, a A.C Revira acada os sete anos de existência ao serviço do movimento popular da comarca de Ponte Vedra. E quê melhor maneira de o fazer que com umha festa de aniversário:

3 de Dezembro

- 19:00h : projecçom de vídeo sobre o nosso último ano de actividades

- 20:30h: Charla-Debate - Centros Sociais na Galiza - Com representantes da A.C Almuinha (Marim), C.S Revolta (Vigo), C.S Madia Leva (Lugo) e C.S Revira.

- 22:30h: Ceia. (primeiro, segundo e sobremesa por 12 euros - Anotar-se no correio centrosocial@revira.org ou no próprio centro social).

- 00:00h. FESTA com sorteio de material, música tradicional e muito mais.

Esta quinta 25 de Novembro às 20.30h, o CS Revira acolhe unha conferência sobre a luita do povo mapuche organizada polo sindicato CNT. Nela falará Diego García, do "Comité de Apoio ao Pobo mapuche".

Esta sexta 5 de Novembro às 20:00h vai ter lugar no local da nossa associaçom a apresentaçom da 2ª ediçom do manual "Do Ñ para o NH" (manual de língua para transitar do galego-castelhano para o galego-português), a cárrego do seu autor e presidente da AGAL, Valentim R. Fagim.

O manual tem umha estrutura de áreas críticas. Foca, portanto, aqueles aspectos onde umha pessoa da Galiza pode sentir dificuldades. Divide-se em 57 unidades, por sua vez distribuídas em Ortografia, Morfossintaxe, Léxico e umha miscelânea de revisom. As unidades contenhem umha introduçom teórica para ser testada numha prática. O solucionário que encerra o livro permitirá avaliar os nossos exercícios, reforçando a utilidade da obra como ferramenta de aprendizagem.

O livro está editado pola ATRAVÉS EDITORA, marca editorial da Associaçom Galega da Língua. As ilustrações som da autoria de Xico Paradelo, a ilustraçom do cozinheiro é de Miguel Garcia, os desenhos da capa e contracapa som de Leandro Lamas, a fotografia do autor realizou-a Luz Castro e a diagramaçom correspondeu a Manuel P. Vigo para Inova Comunicaçom Corporativa.