|
|
10 de Março, Dia da Classe obreira galega. Contra as reformas do capital e o pacto social.10 de Março, Dia da Classe obreira galega. Contra as reformas do capital e o pacto social.
O C.S. Revira quere, neste ano que comemoramos o 39º aniversário do assassinato de Amador e Daniel, trabalhadores de Ferrol a maos da policia franquista, apoiar a classe trabalhadora galega frente às últimas reformas que o capital espanhol tem introduzido para cortar os nossos direitos, e denunciar a atitude das centrais sindicais espanholas CC.OO. e UGT assinantes do último pacto social. Este último ano tenhem-se aplicado sucessivos ataques aos dereitos sociais, começando por umha nova reforma laboral focada em recurtar a estabilidade laboral e facilitar o seu despedimento: incremento das causas de despedimento objectivo, geralizando o contrato de 33 días de indenizaçom aos indefinidos. Tambem procedeu o PSOE a un ataque ao sistema público de pensons: umha contrarreforma para traballar mais e cobrar menos, aumentou-se a idade de reforma aos 67 anos precisando cotizar 37 anos e computando para o importe da pensom os últimos 25 anos de vida laboral frente os 15 anteriores. Estas medidas contaron com o acordo da patronal espanhola e CCOO e UGT, só contestada na Galiza polo sindicalismo nacionalista na greve convocada em janeiro. Ademais, prosegue o ataque ao sector público, tentando liquidar o sector semipúblico das caixas de aforro; e com a reforma dos convenios colectivos para reduzir a sua incidência e centralizando-os em Madrid tudo o possível. Tudo isto com a complicidade manifesta do PP, que aplica semelhantes políticas de cortes sociais na Junta de Galiza que afetam gravemente a classe trabalhadora: privatizaçom sanitária como o hospital de Ponte Vedra, privatizaçom da assistência aos nossos maiores, encerramento de oficinas de bem-estar, etc. Desde a Revira queremos pois lembrar que a luita pola que morrérom Amador e Daniel continúa e está hoje tam vigente como ontem. Porque luitamos por umha Galiza soberana e do povo, a luita continúa: viva a classe obreira galega!
Ainda sem comentários |