Ponte Vedra 100% em galego

Defendamos Galiza : Lumes nunca mais!

Defendamos Galiza : Lumes nunca mais!

Na Galiza levamos anos sofrendo numerosos atentados ecológicos contra a nossa riqueza natural e paisagística sem que os e as responsáveis deste país mudem as suas politicas ambientais. Durante os últimos sete meses vimos padecendo umha vaga de lumes por todo o território que acabou por explotar numha das joias europeias, as Fragas do Eume, acossada durante anos por interesses político-empresariais, concretamente polo interesse da Xunta da Galiza governada polo Partido Popular e da companhia anglo-sulafricana Picobello Andalucita S.L de explorar os materiais ubicados nas Fragas do Eume, zona que curiosamente agora está em chamas.

Além da procura das responsáveis pola destruçom prolongada que estamos a ver, a Xunta é, mais umha vez culpável e cúmplice, como assim falam as suas politicas de cortes e liquidaçom na prevençom e luita contra incendios que ascende a mais de 22 milhons de euros em plena época de seca, abandono do rural e políticas de Madrid e Bruxelas ruinosas para o nosso sector primário com todo o que isto conleva.

Os nossos montes levam anos sendo objecto dum processo de eucaliptizaçom intenso, as nossas costas sofrérom também tragedias como o Prestige, a urbanizaçom massiva do litoral ou umha política agressiva na aquicultura. Agora acentua-se também a instalaçom massiva de moinhos de vento, reparto de licenças de minas a céu aberto coma no Courel ou nas Fragas do Eume, ou a exploraçom dos nossos rios dedicados a producçom eléctrica massiva, políticas de destruçom do território coma a construcçom do TAV, etc. Isto demostra que é urgente mudar as politicas de gestom e virar cara um outro sistema económico sustentável e respeitoso com o espaço natural.

Galiza precisa de soberania para a toma de decissons sobre o seu territorio, para implementar politicas ambientais respeitosas ao serviço das maiorias sociais do nosso país, e nom depender de outros governos que nos levam à ruína económica, política, social e paisagística.

Desde a Associaçom Cultural Revira queremos chamar a todo o povo consciente a se mobilizar os 365 dias do ano em defesa do nosso país, dos seus sectores productivos, das suas politícas sociais e do nosso ambiente reivindicando um sistema justo, equitativo e solidário, onde primem as maiorias sociais e nom os interesses duns poucos, polo que chamamos a apoiar a concentraçom desta segunda feira dia 2 de Abril às 20.30h na praça da Ferraria.

Escrito em 02-04-2012, na categoria: Associaçom, Comunicados
Chuza!

Ainda sem comentários

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS