Sábado 7 às 18:30. Nesta terceira sessom do Grupo de Estudos da Revira imos começar a nos adentrar na análise da crise. Antes de deternosnas especificidades da conjuntura atual imos analisar a crise estrutural do capital. Partimos de um texto de István Mészaros, um filósofo marxista húngaro, que trabalhou como operário fabril antes de ter acesso aos estudos e que é considerado um dos mais incisivos críticos das engrenagens, mecanismos de funcionamento e formas do capital. Neste texto, direto e consiso, preparado como introduiçom da sua obra "Para além do capital", resume os elementos cruciais da sua análise sobre o capitalismo como forma de realizaçom histórica do capital. Trata-se de um trabalho prévio à crise financeira global, que analisava as contradiçons inerentes a um sistema que representa umha crise permanente, estrutural e profunda, que tem que fomentar umha forma de produçom destrutiva como motor da dinámica social, ao chocar com os seus límites absolutos.