Entre os dias 16 e 31 de Julho contaremos na Revira com umha exposiçom, obra do Serviço de Normalizaçom Lingüística do Concelho de Ponte Vedra,"O galego tambem noutros Mundos". Os conteúdos abranguem desde umha contextualizaçom histórica até umha exportaçom da música galega, passando pola universalidade da nossa literatura, a possibilidade de estudar galego no resto do mundo, etc. Está composta por 13 painéis (2m x 1m) e mostra umha dimensom aberta e internacional da nossa língua,contribuindo á valorizaçom sociais do galego e rompendo prejuízos sobre o seu prestígio e utilidade.Um painel reza: "O galego língua internacional", "En Angola, Brasil ou Moçambique enténdente en galego",
e fai referência a que o sistema lingüistico galego-português fai possível que com a nossa língua podamos entendermo-nos com pessoas de quatro continentes. Outros painéis ilustram como o galego foi "língua dum Reino", língua em que falarom reis coma Afonso X o Sábio. Há os que fam fincapé em que produtos galegos de qualidade coma o vinho, mel, conservas, leite, etc também som etiquetados em galego. Algúns outros explicam-nos que a língua viveu momentos escuros, de emigraçom e exílio. Isto leva-nos até uns últimos painéis onde aparecem imagens de mobilizaçons atuais em favor do galego.

Os horários de visita som os seguintes :

- Terça-Feira a Quinta-Feira : 20:00 - 22:30

- Sexta-Feira e Sábado : 20:00 - 00:00