Desde a Associaçom Cultural Revira temos a boa nova de anunciar a criaçom do nosso próprio grupo de Estudos, o qual já funciona noutros centros sociais coma o Madia Leva de Lugo. Esta decisom foi tomada unanimemente pola assembleia perante a necessidade de enfrontar conjunta e colectivamente a brutal crise capitalista que sacode o povo galego e em geral o resto do mundo, trabalhando no debate de ideias e na formaçom coma ferramentas necessárias para aplicar no dia a dia no nosso campo de batalha.

Para isto celebraremos a nossa primeira reuniom a Sexta-Feira dia 13 às 21:30 no centro social Revira. Ali debaterimos o rumo a levar nos vindouros meses, os primeiros temas a tratar e o funcionamento do grupo de estudos.

Anima-te e participa com nós !

O número premiado é o 66, e corresponde a Aitor López. Há pessoas totalmente frustradas depois de deixar-se meio soldo na mesma . Parabéns !!

Na próxima quarta-feira 28 de dezembro às 18:30, apresentara-se no Centro Social Revira o livro "Teoria de Inverno. Os presentes do Apalpador" editado pola Associaçom Cultural A Gentalha do Pichel. A autoria do livro é coletiva contando com a participaçom de Jorge Paços, Andre Pena, Pepe Arias, Maria Iglesias, José André Lôpez, Andre Seoane, Mar Llinares, Carlos Calvo, Anjo Rua Nova e Jose Cadaveira. Nesta, falaram membros da Comissom de Memória Histórica da Gentalha do Pichel e apresentaran-nos umha série de entrevistas audiovisuais inéditas a pessoas das montanhas orientais da Galiza explicando a tradiçom do Apalpador

A Associaçom Cultural Revira quer mostrar o seu total apoio a Associaçom Gentalha do Pichel de Compostela após o sequestro da sua conta bancária por parte do Concelho de Compostela dirigido polo extremista Conde Roa.

Se bem é certo que a sançom foi imposta polo bipartido PSdG-BNG polo “delito” de pendurar umha faixa na Cacharela de Sam Joam, resulta intolerável que um órgao público atue mafiosamente embargando a conta dum colectivo cultural sem nengumha comunicaçom prévia sabendo que há um recurso interposto, o qual está ainda sem resolver .

Achamos que esta é outra manobra do espanholismo comandado polo Partido Popular que procura um duplo objectivo: o primeiro é liquidar por qualquer meio projetos comprometidos com a nossa língua e a nossa cultura, e o segundo é reprimir, calumniar e difamar com a colaboraçom da imprensa do régimem e a policia espanhola os colectivos que fam parte do movimento de libertaçom nacional.

Desde a Revira queremos mostrar o nosso fraternal apoio aos e às companheiras da Gentalha do Pichel e chamar a sociedade galega a colaborar com todos os projetos comprometidos com a nossa terra.

Mais um ano a Associaçom Cultural Revira quer chamar os membros da AC Revira e o conjunto do povo galego a participar nos atos que terám lugar em Teu o 23 de Dezembro com motivo do jogo da Selecçom Galega.

Novamente, e sem a ajuda da Junta de Galiza e a Federaçom Galega de Futebol, além do veto da imprensa do régimem, volverám ser os e as Siareir@s Galeg@s quem saquem o terreo de jogo a nossa selecçom, a qual jogará contra o povo irmao da República Árabe Saaraui Democrática.

Siareir@s Galeg@s é um exemplo de trabalho para todas e todos nós. Conseguiu unir milheiros de pessoas por umha causa comum por cima de diferenças, juntando a reivindicaçom desportiva com a reivindicaçom patriótica, sem esquecer a solidariedade internacionalista com povos como Palestina ou o Saara.

Galiza é umha naçom, e igual que tem direito à sua livre determinaçom, também no ámbito desportivo possuímos o direito democrático a desputar eventos internacionais de caráter oficial nas diversas modalidades desportivas: futebol, basquet, futebol salóm, ciclismo, etc.

Agora a pelota está no nosso telhado, devemos todos pois apoiar, difundir e participar em todas as atividades programadas para o 23 de Dezembro.

UMHA NAÇOM, UMHA SELECÇOM!

OFICIALIDADE SELECÇONS GALEGAS!

* Desde já está a vossa disposiçom o cartóm de afiliada a Siareir@s Galeg@s no nosso Centro Social.

Os preços som :

5€ autocarro ida e volta
10€ cartom + camisola + Partido + Concerto