A Deputaçom de Ponte Vedra, instituiçom caciquil por excelência, esbanjou uns 200.000 euros no seu projecto de macrocanceira. Ingentes quantidades de fundos públicos que servirám para ceder a gestom a umha empresa com potestade para exterminar os cans que nom tivesem acolhida.
Desde A Revira pensamos que há outras alternativas para atender o coidado dos animais que as administraçons deveriam impulsar: criaçon de censos caninos, campanhas que impulsem a colocaçom do chip, medidas legislativas novas contra o abandono e o maltrato, a prohibiçom da venda e negócio com animais, a sensibilizaçom da populaçom desde idades tempranas e o apoio real às entidades de proteçom dos animais que trabalham no ámbito local, priorizando a acolhida, e nom o extermínio (com os cartos investidos poderiam criar-se até quatro protetoras de animais em diversas localidades, com capacidade de atender mais animais).

Ademais, queremos aproveitar para chamar a atençom sobre a existência das deputaçons provinciais: tratam-se dumhas instituiçons espanholas impostas que nom tenham nada a ver com a realidade histórica e territorial do nosso país, que distribuem de forma injusta e ineficiente os seus recursos, e que geralmente estám dirigidas pola pior caste de caciques, como neste caso. Reclamamos a sua dissoluçom.

A Associaçom Cultural A Revira manifesta a sua solidariedade e apoio aos três sindicalistas condenados pola justiça espanhola a três anos de prisom. Estes companheiros participavam dum piquete informativo durante umha greve do sector do comércio e alimentaçom, e forom condenados por um tipo delitivo ideado para perseguir a mobilizaçom operária, "contra a liberdade dos trabalhadores".

Sem greves, sem piquetes, nom teriamos nengum dos poucos direitos que nos ficam, e que imos perdendo de forma acelerada nos últimos anos. É pola liberdade das trabalhadoras e trabalhadores que fam falha os protestos e as greves.

A Revira apoia a greve de fame rotatória organizada diante da Audiência Provincial e todas as mobilizaçons que denunciem este novo episódio repressivo contra a nossa classe.

Diversas associaçons de defesa dos animais convocam umha concentraçom o vindouro sábado 24 de novembro, diante da Deputaçom de Ponte Vedra, para rexeitar a macrocanceira da Armenteira. A protesta começará às 17h., e integrará diversos actos, como umha exhibiçom canina e actuaçons musicais.

A instituiçom caciquil esbanjou uns 200.000 euros neste projecto para ceder a gestiom a umha empresa, que teria potestade para exterminar os cans que nom tivesem acolhida. Com os cartos investidos poderiam criar-se até quatro protetoras de animais em diversas localidades, com mais possibilidades de acolhida.

Desde A Revira apoiamos a manifestaçom e aproveitamos para reclamar a dissoluçom das deputaçons provinciais, umhas instituiçons espanholas impostas que nom tenham nada a ver com a realidade histórica e territorial do nosso país, e que geralmente estám dirigidas pola pior caste de caciques, como neste caso.

Como associaçom anti-imperialista, desde A Revira queremos somar a nossa voz à de todas as pessoas e coletivos que denunciam a nova ofensiva militar israelí contra a Faixa de Gaza.

Neste sentido, apoiamos todas as mobilizaçons de solidariedade e denúncia que se estám a convocar por toda Galiza, em particular as que se celebram na nossa cidade. Hoje há umha nova mobilizaçom às 20h. na Praça da Peregrina, a que chamamos a participar.

Solidariedade com o povo palestiniano!
Paz, liberdade e soberania para todos os povos do mundo!

Dez sócios da Associaçom Cultural A Revira participamos hoje na entrega dum escrito no Concelho no que pedimos a retirada da simbologia franquista, 35 anos após a morte do ditador e 5 depois da entrada em vigor dumha lei -a de "Memória Histórica"- que obriga às administraçons a eliminar estes símbolos. A campanha tivo umha ampla repercusom na imprensa local e gerou debate entre a vicinhança da cidade.

Por outra parte, desde o Concelho sinalou-se que recebiam bem a nossa proposta e adiantarom a sua vontade de reunir-se com nós para dar resposta a esta demanda.