Ponte Vedra 100% em galego

Quem Somos? Actividades Crónicas

BUSCADOR

Feeds XML

Ceia Gastronómico-Musical da PunkOi! Vedra Crew

O colectivo PunkOi! Vedra Crew organiça o próximo dia 19 de fevereiro no nosso local uma ceia de confraternizaçom com outros colectivos da Provincia adicados a promoçom e divulgaçom musical seguida de uma pinchada músical e projecçom de videos musicais. O convivio começará as 21:30, para mais informaçom podese consultar o seu blogue: http://punkoivedracrew.blogspot.com/

Escrito em 12-02-2011, na categoria: Actividades, Festas
Chuza!
Projecçom: " Castelao e Os Irmáns Da Liberdade "

A figura do pensador galego mais destacado do século XX serve de fio conductor para irmos conhecendo a Galiza desde começos de século até 1951, ano da morte do líder galeguista. Mediante a voz de toda uma miríada de pessoas que o conheceram pessoalmente vemos como era o Castelao real e como a sua figura era percebida pelos seus coetáneos. O envolvimento de Castelao no galeguismo mediante as Irmandades da Fala e o Partido Galeguista chegam dos testemunhos directos de Xaime Isola Couto, Antón Fraguas ou Francisco Fernández dele Riego. Onda a figura pessoal, conhecemos factos históricos como o referéndum do Estatuto e a Guerra Civil. Gravaçom em 1999-2001.

A projecçom terá lugar na próxima Sexta-Feira 18 de Fevereiro às 21:00 no Centro Social Revira.

Escrito em 12-02-2011, na categoria: Actividades, Cinema
Chuza!
Projecçom : " Antifascist Attitude "

"Antifascist Attitude" é o primeiro documentario sobre o emergente movimento antifascista russo que foi realizado polxs propixs activistas. No fim aparecem tanto activistas moderadxs de ONGs coma "activistas radicais" de base e anarquistas de três cidades: Moscova, San Petersburgo e Irkutsk.

Também há várias intervençons de Stanislav Markelov, advogado e jornalista assassinado em Moscou o 19 de Janeiro de 2009 devido a sua actividade política.

A projecçom terá lugar na próxima sexta-feira 11 de fevereiro às 21:30 no Centro Social Revira.

Escrito em 04-02-2011, na categoria: Associaçom, Cinema
Chuza!
O C.S. Revira adire a Plataforma "Salva o Tren"

O C.S. Revira, de acordo com a sua intençom de apoiar as luitas populares da comarca e do país, adire a "Plataforma salva o Tren". Esta Plataforma, com a que já temos colaborado, como por exemplo na sua marcha a Compostela, defende a pervivência do tren convencional frente ao seu desmantelamento em todo o Eixo Atlántico, e advoga por um modelo de transporte ferroviário de proximidade e por um outro modelo de ocupaçom do território.

Escrito em 01-02-2011, na categoria: Associaçom
Chuza!
AGORA É O MOMENTO : 27 JANEIRO GREVE GERAL !

C.S. A Revira mostra o seu apoio à greve geral nacional: AGORA É O MOMENTO!

O Centro Social Revira apoia a greve geral nacional convocada na Galiza para o 27 de janeiro, do mesmo jeito que já nos expressaremos com a desenvolvida com sucesso no passado 29 de setembro. Da Revira entendemos que todas as mobilizaçons som pequenas ante ataques tam graves como os perpetrados polo PSOE em Madrid.

Á reforma laboral -centrada em abaratar e mesmo subsidiar o despedimento, esnaquizar a negociaçom colectiva e alargar o nefasto papel das ETT's no mercado laboral- engade-se-lhe agora a já anunciada reforma das condiçons de retiro laboral, que tem como objetivos fundamentais dificultar o acesso e reduzir a cuantia das pensons futuras, acrescentando cualitativamente as involuçons de 1985 e 1997.

Entre outras medidas, o governo pretende aumentar a idade legal de jubilaçom quase até os 70 anos em termos reais ou aumentar o número de anos utilizados para calcular o importe da penson, para esmagar a clase trabalhadora, que experimentará reduçons de entre um 6 e um 20%, mentres beneficia a banqueiros e empressários, já que as pensons máximas si aumentarám.

Num país onde o desemprego supera o 30% na mocidade e onde mais de 200.000 pessoas vivem actualmente em desemprego, onde a pensom meia nem chega aos 800 euros, medidas como alargar a vida laboral da populaçom ou recurtar a cuantia das pensons representam novos desatinos de um governo títere da banca e as empressas.

O governo justifica a medida graças à enxurrada mediática que pregoa a inviabilidade do sistema, mentres cala que a Seguridade Social, apesar de tantos agoreiros interessados, nunca tivo défice, ou oculta que o Estado é um dos que menos dedica ás pensons de Europa. No entanto, os grandes empressários se beneficiam dumha fiscalidade à sua medida, na que apenas pagam impostos e desgravam as pensons que contratam de forma privada, à vez que vivem numha bochornosa fraude geralizada, já que o 90% declara ganhar menos de 1.000 € ao mes.

Da Revira pensamos que nom é o tempo de mais cambalachos como o que estám a argalhar as agochadas o governo e os sindicatos espanhois mais entregados ao capital. É precissa umha nova greve geral, massiva e contundente, para frear estes ataques desde a uniom das e dos trabalhadores. Coa nossa força, podemos pará-los!

27 JANEIRO TOD@S A RÛA !!!

Escrito em 17-01-2011, na categoria: Associaçom, Comunicados
Chuza!

<< 1 ... 28 29 30 31 32 33 34 35 36 37 38 ... 71 >>

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS