Ponte Vedra 100% em galego

Quem Somos? Actividades Crónicas

BUSCADOR

Feeds XML

Atentado nazi-fascista contra o Centro Social Revira
ataque fascista

Na madrugada de ontem o Centro Social A Revira de Ponte Vedra foi atacado por elementos nazi-fascistas. Mediante o avisso dos vizinhos e vizinhas puidemos comprobar como o nosso cartaz foi completamente pintado com sprai laranja, as paredes com lemas e símbolos neonazis alem de colar diversos colantes propagandísticos nas janelas. Podemos constatar também que a vivenda dumha militante da nossa associaçom foi pintada com a mesma simbología e com lemas sexistas como "cerda"

A intensa actividade na rua que vem desenvolvendo nos últimos anos a A.C. Revira provocou as iras de elementos fascistas da cidade, que se bem é certo nom é esta a primeira vez que atacam o nosso centro social -na antigua ubicaçom o nosso local sofreu um ataque incendiário-. Numerosos amigos e amigas teriam observado pola tarde-noite a um grupo de neonazis polo casco velho , algúm, vizinho da localidade de Campelo.

Desde a Associaçom Cultural A Revira queremos manifestar a nossa firme determinaçom para seguir trabalhando e organizando-nos desde a nossa comarca para contribuir à construçom nacional da Galiza, defender e promover a língua e cultura galega, o meio ambiente, os direitos da mulher e difundir valores solidários e internacionalistas. Seguiremos combatendo desde nos nossos espaços o racismo, o fascismo e todo tipo de discriminaçom.

Quanto mais ladrem os cans do sistema mais impulso colheremos para trabalhar dia a dia. Que saibam que na sociedade galega o fascismo nom tem espaço

Associaçom Cultural Revira

Escrito em 19-10-2013, na categoria: Associaçom
Chuza!
Noite de Samhaím na Revira
Samain

Por sétimo ano consecutivo a Associaçom Cultural Revira quer celebrar com toda a cidadania mais umha nova noite de Samaim. As actividades seram a quinta-feira 31 pola noitinha, prolongando-se ate bem entrada a noite.

A programaçom é a seguinte :

-19h Magusto e obradoiro de cabaças (traz a tua cabaça!)

-20:30 Palestra: Origens do Samaím e vinculaçom ca cultura galega. Falará Jose Manuel Barbosa

-22:30 Ceia popular. Aponta-te em centrosocial@revira.org

-00:00 Queimada e festa!

Escrito em 19-10-2013, na categoria: Actividades, Festas, Jornadas, Palestras
Chuza!
Nova sessom do grupo de estudos da Revira

A Revira organiza umha nova sessom do seu grupo de estudos este sábado 19 às 19h no nosso central social baixo o título `Uniom Europeia;Crise e alternativas´ .As pessoas assistentes trabalharám sobre umha seleçom de leituras arredor da Uniom Europeia e as alternativas existentes a este modelo neoliberal. Podes apontar-te coma e habitual no nosso correio centrosocial@revira.org e solicitar os textos de aulas anteriores

Escrito em 16-10-2013, na categoria: Actividades, Cursos
Chuza!
Jornadas de amizade com os Países Cataláns
Si jo l'estiro fort per aquí
i tu l'estires fort per allà

A Revira organiza umhas jornadas de amiçade com os Países Cataláns que querem dar a conhecer mais sobre esta naçom que em breve constituirá um Estado próprio em boa parte do seu território. O evento terá um ponto central no concerto do cantautor catalám Cesk Freixas, que se desenvolverá o sábado 26, mas incluirá também actividades formativas, documentários e ainda umha degustaçom gastronómica.

A agenda completa é a seguinte:

Sexta-feira 25: Charla-colóquio às 20:30: `Introduçom histórica aos Països Cataláns´

Sábado 26:

Projeçom às 18:30 do documentário `Del rog al blau´ sobre a Transiçom no País Valenciá.

Degustaçom de produtos cataláns às 20h.

Concerto às 21:30 na Posada Indiana (Rua Naranjo 25) a cárrego do cantautor catalá Cesk Freixas. Bilhete: 6€ com consumiçom

Escrito em 15-10-2013, na categoria: Actividades, Cinema, Concertos, Festas, Jornadas, Palestras
Chuza!
Apresentaçom do livro "Historia de Galiza"
historiadagaliza

A vindoura quinta-feira 24 Outubro celebraremos no nosso local um acto muito interessante para aprendermos sobre o nosso pasado, habitualmente oculto e deturpado pola historiografia dominante.

A Revira acolherá no seu local a apressentaçom do livro “Historia de Galiza” por parte do historiador Anselmo López Carreira.

Coorganiza a Liga Estudantil Galega

Escrito em 15-10-2013, na categoria: Actividades, Palestras
Chuza!

<< 1 2 3 4 5 6 7 8 9 10 11 ... 72 >>

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS