Este sábado a noite celebraremos a Noite da Fogueira. Além da tradicional sardinhada, teremos umha contacontos, boa música e, para rematar, umha queimada com a que celebraremos a chegada do verao.

Continua:

Aproveitamos para dar a conhecer algo mais sobre esta suposta celebraçom religiosa:

O Solstício de Verao (Litha, Midsummer), celebra-se habitualmente a véspera do 21 de Junho, embora a data poda oscilar entre os dias 20 a 22. Marca a metade exacta do verao celta (de Beltaine, 1 de Maio, a Lugnasadh, 1 de Agosto).
Justo nesse momento, o eixo da Terra está inclinado 23,5º en direcçom ao Sol, dando lugar ao dia mais longo e à noite mais curta de todo o ano.
Na tradiçom pagá europeia, é umha festividade ligada à colheita, repleta de símbolos e outras alusons de carácter solar, como as fogueiras (acesas com o duplo propósito de proteger e purificar, e ajudar o Deus Sol a manter vivo o seu poder) e as rodas solares, acesas e botadas a rodar por umha colina até que chegam ao rio.
Trata-se de umha festividade que celebra o prazer e a alegria da vida e a abundáncia da natureza.
Ao mesmo tempo que festividade solar, é-a da àgua: se bem o lume representa a deidade masculina, esta fai o próprio com a feminina.
Nesta noite, tradicionalmente, recolhem-se ervas mágicas e medicionais que se usárom durante o resto do ano, assim como também se recolhe água, dos manantiais ou do mar, à que se lhe atribuem propriedades curativas.
Como vem sendo habitual com quase todas as antigas festividades pagás, a religiom católica apropriou-se do seu simbolismo até reconvertê-lo na festividade de Sam Joám, celebrando-se de forma fixa no 23 de Junho.