MANIFESTAÇOM
SÁBADO 10 DE JANEIRO
20 DA TARDE PRAÇA DA FERRARIA

Comunicado da Associaçom Cultural A Revira

A Associaçom Cultural Revira promove e apoia as mobilizaçons que desde amplos sectores do nosso povo estám a suceder-se para denunciar e tratar de parar a agressom genocida que está a levar o Estado nazi-sionista de Israel contra a Palestina.
Já venhem de muitos anos para atrás as imagens das atrocidades contra o povo Palestiniano, extrangeiro no seu próprio país colonizado por pessoas chegadas de muitos lugares do mundo, Argentina, Europa, ex URSS, e que como plam do imperialismo ianque e europeu criarom o ente sionista que tem como funçom fazer de porta-avions do capitalismo nessa área estratégica para a economia mundial que é Meio Oriente rica em petróleo. Há uns anos fórom os massacres nos campos de refugiad@s de Chabra e Shatila, as matanças em Gaza e Cisjordánia, a construçom do muro por este estado teocrático e racista por definiçom (povo escolhido de deus), que sempre utilizou à sua conveniência a qualificaçom de terrorista à justa resistência do povo ocupado. Se antes Arafat era o terrorista agora é Hamas, quem mantivo umha tregua de 6 meses, na que os sionistas matárom medio cento de palestinian@s, seguírom com a construcçom do muro e a instalaçom de novas colónias nos territórios ocupados, nom havendo neste período de tregua um só israelita morto. Bem, pois é agora quando abraiad@s olhamos impotentes a violência sionista levada até o paroxismo com imagens sobrecolhedoras de víctimas em muitos casos crianças, bombardeadas em escolas, rúas, etc.
Todo isto sempre com a "neutralidade" cúmplice da hierarquia católica e dos governos dos estados europeus, que nom fam nada para deter a massacre, senom que como membros da NATO apoia-no. Nom esquezamos que Sólana, o "carniceiro" de Belgrado, é agora o encarregado das relaçons internacionais da UE e de "mediar" na matança sionista.
É por isso que o povo deve agir contundentemente denunciando aos responsáveis e cúmplices, que os há aquí bem perto, ao governo imperialista espanhol aliado dos USA, e exigindo ao governo bipartido da Junta, assim como ao local em Ponte Vedra, da declaraçom do Estado de Israel como estado terrorista, reclamando a rutura de relaçons militares, políticas e económicas com ele.

Nom ao extermínio do povo palestiniano!
Israel, vós sodes os terroristas, USA-UE cúmplices!!
Palestina vencerá !!

Continua:

Manifesto Unitário para a manifestaçom do Sábado 10

Desde fai três semanas o Estado de Israel está levando a morte e à desolaçom ao povo palestiniano e submetendo a toda a populaçom mundial à humillaçom de ser testemunha impotente dun genocídio, friamente executado.
As entidades convocantes desta manifestaçom denunciamos este genocídio, consentido polos governos mais poderosos da comunidade internacional.
Por tal motivo, decidímo-nos a:
1.- Amossar o nosso horror diante da acçom de Israel e a nossa solidariedade com as vítimas.
2.- Reconhecer o legítimo direito e dever do povo palestiniano à defesa da sua liberdade e dignidade e a combater a ocupaçom da sua terra, a devastaçom
do seu País e a apropriaçom violenta polo Estado de Israel dos seus povos,
campos e aldeias.
3.- Parar o genocídio do povo palestiniano e a invasom militar da faixa de Gaza. Apertura imediata pola comunidade internacional dum corredor para auxiliar à populaçom de Gaza e por fim ao seu isolamento.
4.- Exigir aos governos (autonómicos, espanhol, europeus e internacionais) que rematem com a sua passividade, auxiliem de jeito imediato á populaçom palestiniana, condenem explícitamente este crime contra a humanidade e imponhan a Israel o fim da sua agressom. Particularmente, exigimos ao governo espanhol que denuncie ante os seus homólogos da Uniom Europeia o tratado preferencial com Israel, o cesse da venda de armas e que reconsiderem o tratamento político, económico e diplomático com o povo palestiniano, em cumprimento da universalidade dos direitos humanos.

Primeiros assinantes: Amarante, APDR, Asociación Multicultural Sen Fronteiras, Asociación Marroquí de Pontevedra, Briga, Comunidade Islámica de Paredes, CCOO, CGT, CNT, Galiza por Palestina, NÓS-Unidade Popular, UGT, Redes Escarlata, C.S. Revira, Verbo Xido.