Ponte Vedra 100% em galego

Quem Somos? Actividades Crónicas

BUSCADOR

Feeds XML

Arquivos para: Outubro 2011

Noite De Samaim Na Revira
Escrito em 24-10-2011, na categoria: Actividades, Festas
Chuza!
Manifestaçom contra as autorizaçons ambientais a ENCE e Elnosa

A Associaçom Cultural Revira quer mostrar o seu apoio à manifestaçom convocada pola APDR para esta sexta-feira 21 de Outubro contra a renovaçom da concessom ao complexo industrial ENCE-ELNOSA da Autorizaçom Ambiental Integrada ( AAI) por parte da Junta da Galiza do Partido Popular, e que partirá às 20:30 da praça da Ferraria.

Solicitamos que o Partido Popular nom renove esta concessom, a qual foi aprovada no ano 2008 polo bipartido PSOE-BNG ainda sabendo que nom cumpria com as normas ambientais estipuladas.

Porque esta fábrica segue a ser um perigo ativo para os nossos mares, as nossas florestas e para a populaçom da comarca de Ponte Vedra e do Morraço, desde a Revira apostamos polo feche imediato do complexo para poder desenvolver os nossos recursos marisqueiros e florestais dumha maneira sustentável e nom contaminante.

Saiamos tod@s à rua a a defender a nossa terra todos os días do ano

Ence-Elnosa PECHE JÁ

Escrito em 21-10-2011, na categoria: Associaçom, Novidades
Chuza!
Roteiro Xoán Manuel Pintos no sábado 29 de Outubro

O Sábado 29 de Outubro, às 18:00h, a Associaçom Cultural Revira organizará o Roteiro Xoán Manuel Pintos em colaboraçom com o Serviço de Normalizaçom Lingüística do Concelho de Ponte Vedra enquadrado dentro da celebraçom do "Ano Pintos" que se lhe adica a este ilustre pontevedrês. Depois da grande acolhida que tivo o Roteiro Castelao vemo-nos na obriga de celebrar mais um novo a oferecer à cidadanía e aos/às sócios/as, além de mostrar o nosso compromisso com um dos autores comprometidos com a nossa língua nados em Ponte Vedra.

Xoán Manuel Pintos é a figura mais importante da primeira metade do século XIX. Nasceu em Pontevedra em 1811 e sendo mui novo mudou-se à Crunha para estudar Humanidades no Colégio dos Padres Dominicos. Posteriormente estabeleceu-se em Compostela com o intuito de cursar Direito. Com o tempo chegaria a exercer como juiz em Cambados e como fiscal no seu lugar natal, ficando cessante por causa das transformaçons políticas da altura até a sua nomeaçom como Registrador da Propriedade de Vigo, cargo em que se manteria até a sua morte.

O pontevedrês é autor de um único livro trilingüe, A Gaita gallega tocada pol-o Gaiteiro, ou sea Carta de Cristus para ir deprendendo a ler,escribir e falar ben a lengua gallega e ainda mais (1853), que tem como finalidade achegar o idioma da Galiza ao público leitor. Inclui nela um Breve diccionario gallego escrito por ele tamborilero, para facilitar la inteligencia de la Gaita Gallega tocada por ele Gaiteiro, que tencionaba servir de ajuda para a sua compreensom. Aliás, no momento da sua morte estava a confeccionar outro dicionário, para o qual tinha anotados por volta de catorze mil vocábulos.

Para além da Gaita gallega, Pintos deixou-nos um amplo conjunto de poemas, entre os que cabe salientar três églogas e os Contos da aldeia que parecem histórias da vila ou histórias da vila que parecem contos da aldeia (1858). Pintos destaca na época pela sua faceta de gramático e latinista. Também colaborou na imprensa do momento com um grande número de composiçons soltas e folhetos, entre os que podemos citar "Rechamo", onde faz umha chamada aos autores galegos para utilizarem a nossa língua. Pintos faleceu em Vigo em 1876.


Para apontar-se : centrosocial@revira.org

Escrito em 19-10-2011, na categoria: Actividades
Chuza!
Revira e Almuinha organizam Roteiro polo Espaço Sete Caminhos

No próximo Sábado 15 de Outubro as Associaçons Culturais Revira e Almuinha organizam um roteiro polo Espaço Natural e Arqueológico dos Sete Caminhos. Este espaço está situado no contorno do Monte do Pornedo e dos Sete Caminhos, no monte comunal das freguesias de Louriçam e de Salzedo, na Cámara municipal de Ponte Vedra, e no de Sam Juliam de Marim de Arriba, na Cámara municipal de Marim. Neste espaço, com umha área relativamente pequena, encontramos concentrados toda umha série de jazigo arqueológicos e outros elementos que fazem parte do nosso património natural e cultural como som mámoas, petroglifos, grandes vistas à Ria, formaçons geológicas de grande interesse, etc. Partiremos às 10:00 da Área Recreativa do Pornedo (combinaremos às 09:00 no Centro Social Revira de Ponte Vedra para ir em carros). Ao remate do mesmo celebraremos um jantar de confraternizaçom entre todos/as os/as participantes. Para apontar-se bem nos Centro Sociais ou nos seus correios: centrosocial@revira.org e a.c.almuinha@gmail.com

Máis info do lugar : http://www.espazosetecaminhos.tk/

Escrito em 04-10-2011, na categoria: Actividades
Chuza!

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS