Na próxima quarta-feira 28 de dezembro às 18:30, apresentara-se no Centro Social Revira o livro "Teoria de Inverno. Os presentes do Apalpador" editado pola Associaçom Cultural A Gentalha do Pichel. A autoria do livro é coletiva contando com a participaçom de Jorge Paços, Andre Pena, Pepe Arias, Maria Iglesias, José André Lôpez, Andre Seoane, Mar Llinares, Carlos Calvo, Anjo Rua Nova e Jose Cadaveira. Nesta, falaram membros da Comissom de Memória Histórica da Gentalha do Pichel e apresentaran-nos umha série de entrevistas audiovisuais inéditas a pessoas das montanhas orientais da Galiza explicando a tradiçom do Apalpador

A Associaçom Cultural Revira quer mostrar o seu total apoio a Associaçom Gentalha do Pichel de Compostela após o sequestro da sua conta bancária por parte do Concelho de Compostela dirigido polo extremista Conde Roa.

Se bem é certo que a sançom foi imposta polo bipartido PSdG-BNG polo “delito” de pendurar umha faixa na Cacharela de Sam Joam, resulta intolerável que um órgao público atue mafiosamente embargando a conta dum colectivo cultural sem nengumha comunicaçom prévia sabendo que há um recurso interposto, o qual está ainda sem resolver .

Achamos que esta é outra manobra do espanholismo comandado polo Partido Popular que procura um duplo objectivo: o primeiro é liquidar por qualquer meio projetos comprometidos com a nossa língua e a nossa cultura, e o segundo é reprimir, calumniar e difamar com a colaboraçom da imprensa do régimem e a policia espanhola os colectivos que fam parte do movimento de libertaçom nacional.

Desde a Revira queremos mostrar o nosso fraternal apoio aos e às companheiras da Gentalha do Pichel e chamar a sociedade galega a colaborar com todos os projetos comprometidos com a nossa terra.

Mais um ano a Associaçom Cultural Revira quer chamar os membros da AC Revira e o conjunto do povo galego a participar nos atos que terám lugar em Teu o 23 de Dezembro com motivo do jogo da Selecçom Galega.

Novamente, e sem a ajuda da Junta de Galiza e a Federaçom Galega de Futebol, além do veto da imprensa do régimem, volverám ser os e as Siareir@s Galeg@s quem saquem o terreo de jogo a nossa selecçom, a qual jogará contra o povo irmao da República Árabe Saaraui Democrática.

Siareir@s Galeg@s é um exemplo de trabalho para todas e todos nós. Conseguiu unir milheiros de pessoas por umha causa comum por cima de diferenças, juntando a reivindicaçom desportiva com a reivindicaçom patriótica, sem esquecer a solidariedade internacionalista com povos como Palestina ou o Saara.

Galiza é umha naçom, e igual que tem direito à sua livre determinaçom, também no ámbito desportivo possuímos o direito democrático a desputar eventos internacionais de caráter oficial nas diversas modalidades desportivas: futebol, basquet, futebol salóm, ciclismo, etc.

Agora a pelota está no nosso telhado, devemos todos pois apoiar, difundir e participar em todas as atividades programadas para o 23 de Dezembro.

UMHA NAÇOM, UMHA SELECÇOM!

OFICIALIDADE SELECÇONS GALEGAS!

* Desde já está a vossa disposiçom o cartóm de afiliada a Siareir@s Galeg@s no nosso Centro Social.

Os preços som :

5€ autocarro ida e volta
10€ cartom + camisola + Partido + Concerto

Todos os Sábados, o coletivo Vaipolorio realiza atividades de proteçom, estudo e divulgaçom do Río Gafos.

A hora de quedada é as 10 horas diante da estaçom de autocarros, e tem umha duraçom dumhas 3 horas.

Desde a Revira chamamos a participar ativamente na conservaçom e divulgaçom dumha parte importante do património natural do Concelho de Ponte Vedra.

Mais informaçom da actividade do próximo sábado no tf. : 676 842 942

E já vam oito anos. Pouco tempo na vida de umha pessoa, apenas nada na história de um povo. Mas um longo período para umha associaçom como a nossa nos tempos de hoje. Muitos dias de luita e convívio, muitas jornadas dedicadas à construçom nacional, à defesa da língua e cultura galegas, do meio ambiente, dos direitos da mulher, dos valores solidários e internacionalistas. Por meio de conferências, exposiçons, debates, projecçons, roteiros, encontros, protestos e festas, desporto e cultura, mobilizaçom e reflexom. Sem pausa, tentamos revitalizar o movimento popular da comarca, convertir-nos num lugar de encontro e de referência daqueles que pulam por transformar o triste estado das cousas.

Hoje, a face que projeta o capitalismo, bem mais evidente e descarnada que a de oito anos, só reafirma a nossa conviçom de superá-lo. O fracasso do projecto autoanémico só reafirma a nossa vontade de rachar com el. Os ataques sistemáticos á nossa língua e cultura só nos lembram o importante que é organizarmo-nos, desde as nossas próprias forças, sem disimular os nossos objetivos nem escatimar esforços. Ante a manipulaçom mediática, que quer desegitimar os movimentos dissidentes, oponhemos a nossa actividade diária, em contraste aberto com as suas mentiras.

Achegamos o nosso grao de areia, mas sem perder de vista que para mudá-lo todo precissaremos umha autêntica treboada que nos libere deste sistema monstroso, composta de muitos ventos, com materiais chegados de muitos lugares. Por tanto, fazemos um chamamento a movimentos sociais e colectivos da comarca, assi como a todas e todos aqueles que partilham no básico os nossos princípios, a participarem na Revira, um centro social combativo e aberto que sonha e construe um mundo melhor desde o trabalho no dia a dia.

Luita com nós!

Viva Galiza Ceive e Socialista ¡