Ponte Vedra 100% em galego

Quem Somos? Actividades Crónicas

BUSCADOR

Feeds XML

Palestra "O abandono animal na comarca de Ponte Vedra"

Na sexta-feira 21 falarám no nosso centro social membros do colectivo Os Palleiros, protectora de animais que leva trabalhando na nossa cidade oito anos contra o abandono e o maltrato animal. Será às 21:00.

Escrito em 24-02-2014, na categoria: Actividades, Palestras
Chuza!
Nova sessom do grupo de estudos

Este sábado 8 às 20:00 celebraremos no nosso centro social mais umha nova sessom do grupo de estudos da Revira. Desta volta introduciremo-nos na figura de Nelson Mandela, líder durante décadas da luta do povo negro sul-africano contra o regime de segregação racial do apartheid mantido com apoio dos Estados Unidos na África do Sul. Para apontar-se ao seminário apenas tes que enviar um correio a centrosocial@revira.org

Escrito em 05-02-2014, na categoria: Actividades, Cursos
Chuza!
No nosso corpo mandamos nós! Polo aborto livre e gratuito

A Associaçom Cultural Revira visto o espectáculo lamentável que está a dar a ultra-direita católica no Concelho de Ponte Vedra quer manifestar o seguinte:

- Apoiamos todo tipo de iniciativas que venham a reivindicar a soberania da mulher para poder decidir o que fazer co nosso corpo em qualquer momento da vida. Desde A Revira queremos incidir na violência que se exerce sobre a nossa capacidade de decidir sobre o nosso corpo, a nossa sexualidade, a nossa saúde sexual e reprodutiva, a nossa liberdade e a nossa vida.

- Rejeitamos a reforma da lei do Aborto impulsada polo Partido Popular, ao supor um autêntico retrocesso nos direitos reprodutivos e sexuais das mulheres. Consideramo-la pois, um frontal ataque à liberdade e em definitiva umha vulneraçom dos direitos mais básicos do ser humano. Esta lei obriga às jovens a contarem com o consentimento materno e paterno para abortar, mas também legitima o direito à objeçom de consciência das profissionais sanitárias. Mais grave é a supressom do direito ao aborto por malformaçons fetais, minusvalorando os riscos reais para a saúde física e psicológica da mulher, que deverá ser justificado por parte de dous médicos distintos.

- Esta lei que quer impor o Partido Popular contra a vontade maioritária das mulheres, nom virá mais que a provocar um aumento do número de abortos, a maior parte em condiçons precárias e clandestinas, sem nengum tipo de proteçom. A direita nacional-católica quer-nos converter em delinquentes ao estar tipificado como delito.

- Rejeitamos qualquer intromissom nas nossas vidas e na vida pública de Ponte Vedra dos colectivos de extrema-direita Hazte Oir, Foro da Familia e Derecho a Vivir, por considerá-los inimigos dos direitos nom só da mulher, senom dos direitos humanos. Achamos que plataformas que denigram um ser humano pola sua condiçom sexual nom deveram ter espaço na nossa sociedade.

- Assim, desde A Revira lembramos que Hazte Oir ou o Foro da Família som contrárias a que duas pessoas do mesmo sexo podam estabelecer vínculo matrimonial ou adoptar umha criança. Estes mesmos colectivos manifestárom-se também noutras ocasions em contra do divórcio expresse, da pílula anticonceptiva e das campanhas de uso do preservativo na nossa mocidade. Hazte Oir ademais, vem de manifestar o seu total apoio ao novo cardeal espanhol Fernando Sebastián Aguilar que manifestou que “a homossexualidade é umha deficiência que se pode normalizar”.

Por isto, a Associaçom Cultural Revira manifesta o seu completo apoio ao Concelho de Ponte Vedra e chama a sociedade a pendurar mais faixas, a plantar-lhes cara e a ilhar a direita fundamentalista. Animamos as mulheres a auto organizar-se baixo princípios feministas e de esquerdas para por fim a esta patriarcal longa noite de pedra. Mostramos polo tanto a nossa solidariedade com o movimento feminista –onde fazemos parte- e a súa legítima reivindicaçom a prol do direito a decidir das mulheres sobre os seus corpos.

Escrito em 30-01-2014, na categoria: Associaçom, Comunicados
Chuza!
Jornadas de Contrainformaçom

Os dias 24 e 25 de Janeiro celebraremos no nosso centro social umhas jornadas contrainformativas compostas pola seguinte programaçom:

Sexta-feira 24

21:00 Projeçom da curta "Cousas do Kulechov"

Sábado 25

20:00 Mesa redonda "A contrainformaçom coma ferramenta revolucionária" cos meios alternativos Contrapoder.info, Irmandade.tv e Novas da Galiza

Escrito em 24-01-2014, na categoria: Actividades, Cinema, Jornadas, Palestras
Chuza!
Palestra: Siria no punto de mira do Imperialismo

Como todas sabemos Siria está no punto de mira do imperialismo, coma outros países de Oriente Medio e Próximo. Na Liga Estudantil Galega solidarizámonos cos pobos que foron invadidos. Desexamos que a paz volva a estes pobos devastados polas potencias occidentais e por suposto, posicionámonos en contra do imperialismo.

O mércores 22 de xaneiro organizamos unha palestra-debate para falar sobre a situación de Siria e as orixes do conflicto, na que falará Óscar Valadares de Mar de Lumes-Comité Galego de Solidariedade Internacionalista no Centro Social A Revira (R/Gonzalo Gallas, 4) ás 20:30, esperamos a vosa asistencia.

Escrito em 21-01-2014, na categoria: Actividades, Palestras
Chuza!

<< 1 2 3 4 5 6 7 8 9 10 11 ... 71 >>

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS