Ponte Vedra 100% em galego
Curso de alemão para crianças: aprender jogando!
jedes herz ist eine revolutionäre zelle

As associaçons culturais Revira e Almuinha organizam durante o mes de novembro um obradoiro de alemao para crianças com o título "Jogando com as crianças em alemão".

O objetivo desta actividade é dar a conhecer o idioma alemão a partir do galego, de maneira lúdica e informal atravês da cançom e do jogo. Esta virá a desenvolver-se todas as quartas e sextas feiras de 17:00 a 18:00 no local social da Associaçom Cultural Revira na rua Gonzalo Gallas Nº4 e será impartido por umha monitora de tempo livre titulada em alemão pola Escola Oficial de Idiomas de Pontevedra.

Trabalharemos com um grupo dum máximo de 10 nenos mas adiantamos que se a demanda fosse superior abririamos o mes de Decembro para dar continuidade. A idade recomendada para participar é de 5 anos e o preço será de 25? por alumno o més.

As famílias poden inscrever as pequenas desde já contactando nos correios centrosocial@revira.org ou a.c.almuinha@gmail.com

Escrito em 15-10-2013, na categoria: Actividades, Cursos
Chuza!
Campionato de matraquilho
Galiza campiona do mundo

Este sábado 19 às 20:30 após umha nova sessom do grupo de estudos A Revira organiza um campionato de matraquilhos.

O preço de inscriçom é de 4? por parelha e haverá prémio para as finalistas. O 40% do recadado será para as equipas ganhadoras e haverá material da associaçom para as finalistas. Aponta-te em centrosocial@revira.org . Ao remate haverá festa!

Escrito em 15-10-2013, na categoria: Actividades, Festas
Chuza!
12 de Outubro : Dia da Resistência Indígena

Porque temos memória recente: a commemoraçom do 12 de outubro foi oficializada polo régime fascista do franquismo em 1958, para celebrar o sucesso da conquista e evangelizaçom de América Latina com a sua prossápia habitual. Em nengum caso pretendia exaltar um inexistente "encontro entre civilizaçons" nem um descobrimento geográfico, senom jactar-se da dominaçom e sublimar o colonialismo.

Porque temos memória histórica: o que as potências europeias, e em particular a monarquia hispánica, realizarom em América Latina, só merece o nome de genocídio, o maior conhecido nunca pola Humanidade. Tratou-se dumha gigantesca operaçom de expólio, assassinato, escravitude e destruiçom cultural, que abreu em canal as veas de toda a América Latina com umha brutalidade extrema, no seu dia denunciada por Bartolomé de las Casas. Na Revira nom nos sentimos em absoluto próximos dos colonizadores, senom dos movimentos e governos populares que nos últimos anos reclamam denominaçons como as de Dia da Resistência Indígena ou Dia da Descolonizaçom, para commemorar a dignidade e o sangue derramado polos nativos e também avançar na real independência destas naçons, hoje submetidas a outro tipo de imperialismo.

Porque temos esperança no futuro: ao igual que as naçons americanas, que ganharam a sua primeira independência nos tempos de Bolívar, também os galegos temos de luitar com os nossos próprios meios para ganhar a nossa soberania e liberdade. Nada nos oferece esta tétrica festividade aos que arelamos um país livre no mundo. Nada temos que celebrar, e muito que reivindicar e polo que luitar.

Escrito em 11-10-2013, na categoria: Associaçom
Chuza!
Atos em solidariedade com os 5 patriotas cubanos presos nos EUA
concentraçom

A nossa cidade acolherá este sábado 14 de setembro umha concentraçom em solidariedade com os cinco patrioras cubanos presos por combater o terrorismo, convocada pola Asociación de Amizade Galego-Cubana Francisco Villamil, e com a colaboraçom de Mar de Lumes, Comité Galego de Solidariedade Internacionalista.

O ato desenvolverá-se a partir das 12 horas na Praça da Peregrina, e a continuaçom celebrara-se umha assembleia dos coletivos convocantes no edifício dos sindicatos, com a presença da Cónsul Geral da República de Cuba e umha delegaçom da associaçom portugesa Porto com Cuba.

Ademais, a Revira também quer aportar o seu graozinho de areia e organiza um jantar e umha festa temática no mesmo dia, no que damos informaçom na seguinte notícia.

Escrito em 10-09-2013, na categoria: Associaçom, Novidades
Chuza!
Anota-te ao jantar da Revira e participa da festa!
festa cubana

A Revira organiza um jantar com ocassom dos atos internacionalistas que se celebram na nossa cidade o vindouro 14 de setembro. Celebrara-se no nosso centro social a partir das 14:30, e há que anotar-se previamente em centrosocial@revira.org. O custo do menú é de 13 euros e estará integrado polos seguintes pratos:

Empadas de atum e carne, carne ao caldeiro, sobremesa, café e ?chupito?.

Adega: vinho, água, refrigerantes e cerveja.

Ademais, também organizamos, já à noitinha, umha festa cubana, com música da ilha e mojitos, para rematar num ambiente lúdico a jornada de luita e convívio entre todas as pessoas e organizaçons solidárias com a heroica revoluçom da outra beira do Atlántico.

Escrito em 10-09-2013, na categoria: Actividades, Festas, Jornadas
Chuza!

<< 1 2 3 4 5 6 7 8 9 10 11 12 ... 72 >>

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS