|
A Revira ante a agressom contra Síria
A Revira chama a pessoas sócias e amigas a participar da concentraçom que terá lugar na vindoura segunda-feira, 2 de setembro, às 20:30, na Praça da Peregrina, convocada por umhas quince entidades sociais. Ademais, queremos fazer públicas as seguintes consideraçons: A Associaçom Cultural Revira ante a mais que provabel intervençom imperialista em Siria quer manifestar o seguinte: 1. EUA, França e Inglaterra da mau do estado de Israel e os seus aliados de Oriente Médio preparam umha nova agressom imperialista contra Síria pissoteando a soberania dos povos e polo tanto rexeitando a resoluçom do conflito por vias pacíficas 2. Esta intervençom nom vem mais que a prolongar a guerra encoberta que desencadearom há muitos meses com o armamento, financiaçom e adestramento dos chamados rebeldes. Uns rebeldes que nom venhem a ser mais que um conglomerado de forças fundamentalistas islamitas vindos das diferentes ramificaçons que Al Qaeda tem na zona. Nada tenhem a ver com os movimentos populares que derrocarom o governo de Egipto. Mas nom surpreende que Ocidente apoie logisticamente a quem logo di combater. É sabido que Al Qaeda foi criada polos Estados Unidos de América para derrocar o socialismo iraquiano. 3. Com a escusa das armas químicas, feito nom provado e que segundo diverssos agentes da ONU seriam usados polos rebeldes, levaram a cabo coma no Iraque, Afeganistám ou em Libia umha serie de bombardeios e ataques com os resultados que todos e todas sabemos: Assassinatos massivos, destruiçom e miséria para milhons de pessoas . Numha situaçom no que os mercenários forom na práctica derrotados e com a presença de agentes internacionais para investigar o uso de armamento químico seria absurdo que o governo de Bashar-Al-Asad utilizara estes compostos contra um inimigo rendido.Cremos firmemente que é umha operaçom para controlar nom só os recursos senom umha zona estrategicamente vital para os interesses dos Estados Unidos de América e de Israel. 4. A Revira quer lembrar que estas potências imperialistas, "defesoras" da paz e dos direitos humanos som as mesmas que utilizarom armas nucleares e biológicas contra a populaçom civil ou agente laranja contra o povo do Vietname.Estas potências levam anos promovendo golpes de estado em Venezuela, Chile, Honduras, Egito, etc. Destacamos tambem a sua colaboraçom com Israel no genocidio que sofre o povo palestiniano ou com Marrocos contra o povo do Saara. E é que as garras do capitalismo som culpáveis dos assassinatos de milhons de pessoas por todo o mundo. 5. Em plena crise do sistema capitalista, as razons destas agressons militares nom tenhem nada a ver com a defesa dos direitos humanos, da liberdade dos povos e o seu progresso económico. O objectivo é o controlo das reservas energéticas do Médio Oriente e assegurá-los mediante governos títeres como sucede no Iraque e em Libia , dous paises que se atopam actualmente devastados, com milheiros de refugiados e na pobreza absoluta 5. Por último desde A Revira chamamos a todas as forças de esquerdas e antiimperialistas a levar a rûa o nosso protesto, a voz dos que queremos um mundo em paz e com justiça social. Apostamos por umha resoluçom pacífica do conflito onde os sirios no seu ejercicio pleno de soberania poidam decidir o futuro do seu país contando com o povo curdo. Solicitamos aos governos europeus e estadounidense o cumplimento dos principios aprovados na carta da ONU e do Direito Internacional e o fim das guerras de rapina.
Charla sobre a tortura nas prisons espanholas
A Revira organiza umha charla-colóquio sobre as torturas nas prisons espanholas, umha prática real e constante ainda a dia de hoje, mas ocultada sistematicamente. Toca-nos aos movimentos anticapitalistas exercer a crítica e a denúncia desta realidade tan incómoda para a fachada democrática do poder. Contaremos com os testemunhos de Lola, mai de Noelia Cotelo, presa que tem denunciada numerosos casos de tortura, e com Pastora, a mai de Xosé Tarrío, preso anarquista que luitou contra os maus tratos e que faleceu no centro de Teixeiro. O acto organiza-se a quarta-feira 14 de agosto, ás 18:00 no nosso centro social.
Programa de atos da Galiza Mártir
A Associaçom Cultural A Revira organiza diversos actos em torno do Dia da Galiza Mártir, que se celebra cada ano a 17 de agosto, em lembrança do fusilamento de Alexandre Bóveda e de todos os que pagárom com a sua vida pola liberdade do nosso povo. O programa é o seguinte: 20:30 horas: Conferência-Colóquio: Memória histórica e questom nacional, com Antón Somoza, doutor em Humanidades e involucrado em diferentes projectos relacionados com a documentaçom e divulgaçom da repressom franquista. 22 horas: Pincho para as assistentes. 22:30: Festa e convívio no local da associaçom, com sorteio de material. A Revira diz nom às touradas
Mais um ano o colectivo Touradas fora de Pontevedra convoca umha nova mobilizaçom contra a barbárie taurina. Será o Sábado 10 de Agosto às 20h e partirá desde a praça da Peregrina. A associaçom Cultural Revira quer mostrar o seu apoio a esta quinta ediçom assim como a todas as lutas em defesa dos animais e contra a tortura e chama a populaçom a participar massivamente Alem de ser umha tradiçom alheia à nossa cultura e à nossa terra, polo tanto imposta; pensamos que a luita antitouradas tem que se estender por todas as latitudes, porque o maltrato animal nom depende nem de paises nem de culturas. Exigimos também a supressom do financiamento por parte das administraçons públicas, já que sem ajudas as corridas de touros desapareceriam, dado que como todos sabemos detrás das touradas só há negócio, nem arte nem cultura. Por isto e por muito mais solicitamos : 1. Que o Parlamento da Galiza modifique a Lei 1/1993, de Proteçom de animais domêsticos ou salvagens em cativeiro, que exclue no seu artigo 5º as touradas, para que proíba estas actividades. 2. À Deputaçom de Ponte Vedra que as deixe de subvencionar diretamente ou de forma encoberta. 3. Ao Concelho de Pontevedra, o cessamento do uso de espaços públicos para a promoçom das touradas, assim como a declaraçom de Ponte Vedra como ?Cidade antitouradas e amiga dos animais?. Por último animamos-vos a participar no mesmo dia às 11:30 na praça de touros na cadeia humana convocada por Igualdade Animal
Curso de introduçom à normativa AGAL
Esta sexta-feira 19 celebrara-se no nosso local um curso de iniciaçom à normativa AGAL. A iniciativa terá lugar em horário de manhá (de 11 a 13h.) e pretende introduzir nesta opçom ortográfica e no reintegracionismo como alternativa para a nossa língua no mundo.
|