Com motivo das intoleráveis actitudes racistas que vem vivendo a cidade de Ponte Vedra nos últimos meses, um grupo amplo e numeroso de organizaçons da cidade temos convocada umha jornada multicultural para este sábado 31 de Maio.
Mesas redondas, obradoiros, música, etc, acompanharam-nos desde as 18 da tarde na praça da Ferraria. Desde A Revira animamos-vos a participar nestes actos:

MESA REDONDA às 18,00 horas.

Participam:

Conchi Vazquez. Ensinante

Luisa Marquez. Ensinante IES Monteporreiro

Fernando Montoya. Mediador Interecultural de Secretariado Xitano

Bilal Traore. Senegales. Presidente Sen Fronteiras

Manuel Vila. Asociaçom de promoçom e integraçom cigana de Lugo

CONTACONTOS às 18,30 horas

A cargo de PAVIS PAVOS

CONCERTO às 20,00 horas

DEGOO

RAFA de DEBUXOS REANIMADOS

FAINOTI

FUSIÓN FLAMENCA

OS CHICHISOS

CONVOCA: PLATAFORMA PONTEVEDRA INTERCULTURAL

Amarante, Asemblea de Mulleres, Asociación Arxentinos/as Rincón Criollo, Asociación Galega de Animación e Intervención Social, Asociación de ensinantes con xitanos CSIKLOS, Asociación Inclusion, Asociación Sin Fronteras, Asociación Socio-Cultural Inzar, Briga, CGT, CNT-AIT, Colectivo de traballadores/as de Kalandraka, Escola Tempo Libre Paspallas, Fundación Emaus, Mulleres Cristiás Galegas, Nós-UP, PCPG, PUM+J, A Revira, Rexurdir Provincial, Secretariado Xitano e Verdegaia.

Leia mais »

Esta sexta-feira 23 de Maio às 20:30 a organizaçom juvenil Briga organiza o seu V Foro de Rebeliom. Nele intervirám Xaquín Agulla, Secretário Comarcal da CIG-Construçom em Ponte Vedra, e Berta Lôpes, jovem activista sindical da comarca de Trasancos.

Já rematou mais umha Festa da Língua na nossa cidade, e foi com grande sucesso.

Leia mais »

Mais um ano, a AC Revira organiza e festeja umha nova ediçom da Festa da Língua, actividade já tradicional na nossa cidade nesta data do Dia das Letras, o nosso dia nacional de exaltaçom e defesa da língua.

Da Revira, como associaçom de defesa da língua, que gere um Local Social em que o galego é umha língua normalizada frente à realidade social e lingüística em que vivemos em Ponte Vedra, por desgraça espanholizada, há anos de esforço e trabalho continuado para refrear e reverter as tendências que levam a nossa língua a umha morte silenciosa, com a ajuda das instituiçons e o seu continuado nom fazer, para alegria do espanholismo político, social e lingüístico.

É evidente para qualquer pessoa que na Galiza actual só há umha língua agredida e em perigo, só há um sector social que nom pode viver integramente na sua língua própria, as e os galegofalantes. Mas, curiosamente, as mui tímidas medidas “em defesa do galego” que a Junta da Galiza tem colocado em cima da mesa provocárom umha reacçom do espanholismo mais furibundo e paranóico. Assim, mostrengos como “Galicia Bilingüe” aparecêrom de um tempo a esta parte dizendo defender a liberdade lingüística frente a umha presumida imposiçom do galego em ámbitos como a educaçom.

Dever dos sectores comprometidos com a língua é tirar a máscara a associaçons dete tipo, que só escondem, debaixo da sua aparência de toleráncia, umha reacçom espanholeira que pretende refrear o avanço social do galego. Por sorte isto está a ser assim, em toda a Galiza, fôrom contestados estes colectivos inimigos do galego. Parece que a luita na rua e todos os dias a prol do galego volta a ser umha realidade, recuperando o activismo de base que alguns deixárom atrás no seu caminho a Sam Caetano.

Mas ainda nom é suficiente… a nossa língua centenária, o mais grande signo da nossa identidade nacional, umha criaçom cultural colectiva que foi mantida polo povo trabalhador resistindo todos os ataques homogeneizadores do Estado espanhol, precisa da implicaçom de mais e mais galegas e galegos conscientes. Da Revira continuaremos nesta tarefa e convidamos-vos a fazê-lo com nós.

Para acabar, queremos lembrar o nosso apoio à campanha das companheiras e companheiros da Fundaçom Artábria de Ferrol para conseguir que o Dia das Letras de 2009 seja dedicado ao professor Ricardo Carvalho Calero, um dos mais importantes intelectuais galegos do século passado e defensor do reintegracionismo, cuja obra e exemplo de honestidade fôrom ocultados polas instituiçons e o oficialismo lingüístico, por quem vivem do galego e nom para o galego, algo que sim fijo Carvalho Calero desde mui novo e até a sua morte.
Ponte Vedra, Maio de 2008

Os actos este ano começaram um dia antes, o 16. À tardinha, terá lugar no centro social umha palestra sobre a situaçom do galego na que também aproveitaremos para apresentar o Manual Galego de Língua e Estilo, co-editado polo nosso centro social.
Na palestra interviram Domingos Antom Garcia, filósofo e ex-coordenador da Aula Castelao de Filosofia e Maurício Castro, sociolingüista e co-autor do Manual.

E o 17, após os actos da Praça da Verdura que já estam anunciados no blogue, a Revira vibrará com Som do Galpom, um grupo da comarca de Compostela que nos trazerá o seu novidoso estilo mistura do funky, reagge e rap.