Ponte Vedra 100% em galego

Quem Somos? Actividades Crónicas

BUSCADOR

Feeds XML

Arquivos para: Setembro 2010

Projecçom de "Workingman´s Death" e apresentaçom da Plataforma "Salva o Tren"

Esta semana voltam as actividades ao C.S. Revira com a projecçom do documentário "Workingman´s Death" e com a apresentaçom da Plataforma "Salva o Tren".

Quinta 23 de Setembro- 20:30h. "Workingman´s Death" (A Morte do Trabalhador -2005) é um documentário de Michael Glawogger do 2005 no qual se realizam cinco retratos da classe trabalhadora através do mundo.

São cinco histórias: os “Heróis” de Donbass, na Ucrânia(foto acima), onde um grupo de pessoas passa os dias arrastando-se em minas de carvão ilegais; os “Fantasmas” de Java, na Indonésia, onde homens enfrentam um vulcão, ainda activo, em troca de enxofre; os intrépidos “Leões” nigerianos convivem diariamente com sangue, fogo e odores nauseabundos no matadouro onde trabalham; os “Irmãos” de Gaddani, no Paquistão, servem-se das suas mãos para desmantelar um gigante petroleiro abandonado e, a esperança de um “Futuro” radioso na China, onde os trabalhadores metalúrgicos receiam ser uma espécie em extinção. Cinco retratos do trabalho manual pesado, cada vez menos visível neste tecnológico século XXI.” (Indielisboa)

Análise fílmica

Sexta 24 de Setembro - 20:30h.

Apresentaçom da Plataforma "Salva o Tren" en Ponte Vedra.

"Salva o Tren" é umha iniciativa na defesa do "tren de proximidade" como alternativa sustentável e antítese aos comboios de alta velocidade. A plataforma vindica a criaçom de um ente ferroviário galego, a conservaçom e posta em andamento de vias abandonadas com os novos traçados do TAV e umha nova concepçom para o transporte nom lesiva para com o medio.

Podes ler aqui o manifesto de "Salva o Tren"

Escrito em 21-09-2010, na categoria: Actividades, Cinema, Palestras
Chuza!
O C.S Revira organiza duas jornadas de apoio à greve geral do 29 de Setembro.

A primeira delas terá lugar a quinta 16 de Setembro às 20:30h, na qual se projectará o documentário "1984, tres folgas xerais contra a reconversión". Este audiovisual, produzido pola CIG, recolhe as tres greves que tiverom lugar em esse ano com o pano de fondo do ingresso do Estado espanhol na CEE e as nefastas consequências para a economia galega (reconversom no naval, no agro...), assi como o papel destacado do sindicalismo nacionalista e de classe aglutinado naquela altura na INTG.

Na segunda jornada, sexta 17 de Setembro às 20:30h, contaremos com a presença de Antolín Alcántara, membro da Executiva Nacional da CIG , secretário nacional de negociaçom colectiva e com implicaçom destacada em conflitos laborais como o do Metal de 2009. Com ele trataremos a necessidade da greve geral e a especificidade na nossa naçom.

A continuar reproduzimos o comunicado da A.C Revira a propósito da greve geral:

C.S. A Revira mostra o seu apoio à greve geral do dia 29-S na Galiza

O Centro Social Revira quer mostrar o seu apoio à greve geral convocada no dia 29 de Setembro na Galiza, e o seu total rexeitamento ao ataque aos direitos dos trabalhadores que constitui a nova reforma laboral promovida polo PSOE em Madrid.

A greve geral está mais que justificada: esta nova reforma laboral vai supor abaratar o despedimento dos trabalhadores, de varias maneiras: amplia os contratos de 33 dias por indenizaçom por ano frente aos 45 do contrato ordinário, e fundamentalmente, facilita o despedimento por “causas objectivas” com só 20 dias de indenizaçom por ano, ao permitirem-se causas tam laxas como “previsons de perdas”. Esta nova reforma ataca a negociaçom colectiva para fazer mais vulnerável ao trabalhador individual frente ao empresário, permitindo às empresas descolgar-se das melhoras conseguidas a través das loitas por convénios justos e permitindo variar à vontade as condiçons do trabalho (horários, desprazamentos).

Ainda mais, a reforma subvenciona por parte do Estado os despedimentos, alonga a idade para os contratos “em formaçom” para a mocidade até os 24 anos (que permite pagar menos do salário mínimo), dá entrada às ETT’s em mais sectores económicos...

Todo isto acontece num contexto onde o desemprego acada em Galiza mais de 200.000 pessoas, com um paro na mocidade galega de mais do 30% e aqueles que trabalham fam-no com umha temporalidade do 63% em menores de 24 anos: ainda assim, querem precarizar-nos ainda mais. No entanto, os lucros de muitos empresários galegos, como Amancio Ortega ou Manuel Jove, estám acolhidos a sociedades de investimentos (SICAV) que acumulam 1.400 milhos de euros e que apenas pagam impostos, mas nem o governo galego do PP ou o central do PSOE vam introduzir umha reforma fiscal para incrementar o gasto em políticas sociais, que o PP está a desmantelar no nosso país (educaçom, serviços sociais...)

Esta greve geral tem que obrigar ao governo do Estado a retirar esta reforma, e para isso precisamos que seja massiva e total: outras greves gerais tivérom como consequência a retirada de reformas lesivas como esta, e será ademais um aviso para evitar novas reformas que já estám a ser estudadas, como a das pensons.

O derrotismo em que nos quere instalar o sistema capitalista tem que ser freado, e demostrarmos que a uniom dos trabalhadores pode deter os ataques do governo central do PSOE, num contexto onde a CEOE e o PP pedem ataques ainda mais duros contra os nossos direitos. Porque estes ataques afectam-nos a todos, trabalhadores actuais ou futuros (estudantes, por exemplo), pensionistas ou parados, de todos é tarefa pará-los.

O 29 de Setembro, a Revira vai à greve!

Escrito em 14-09-2010, na categoria: Associaçom, Comunicados, Actividades, Cinema, Jornadas, Palestras
Chuza!
Lembrando o 11 de Setembro chileno: projectamos La Spirale esta sexta 10
la espirale
O 11 de setembro conmemoramos a queda do governo popular de Salvador Allende em Chile, dia no qual as tropas sublevadas do general Pinochet, apoiadas polos USA, bombardevam o Palacio de la Moneda, tendo como resultado a morte do presidente e o início de umha das ditaduras mais sanguinarias da América Latina. Desde a Revira queremos fazer-lhe a nossa pequena homenagem projectando o filme documental "La Spirale".


Sexta 10 de Setembro às 20:30 horas no C.S Revira

La Spirale

É um documentário político que expom os mecanismos do plano destinado a destruír o projecto de socialismo de Salvador Allende. Foi realiçado polo sociólogo belga Armand Mattelart. Analiça a estratégia colonial do imperialismo ianqui, que prova em Chile novas estratégias encaminhadas a intervir sobre os conflitos de clase.

Duraçom: 140 mins.

la espirale


Escrito em 09-09-2010, na categoria: Actividades, Cinema
Chuza!
Charla sobre o Reino Medieval da Galiza, terça 7 de Setembro

Esta terça feira 7 de Setembro terá lugar no nosso centro social umha charla a cárrego do professor Anselmo López Carreira, que realizará um percorrido pola história do Reino Medieval de Galiza. Será às 20:30h.

Escrito em 06-09-2010, na categoria: Actividades, Palestras
Chuza!

O Local Social Revira é um espaço alternativo galego inserido e ao serviço do movimento popular da comarca de Ponte Vedra fundado em Dezembro de 2003

Somos umha entidade independente, autogerida e plural, com visom de País e um projecto de esquerda anticapitalista.

Contacta com nós CS Revira em Facebook CS Revira em Twitter

Onde estamos? Gonzalo Gallas, 4, rés do chao Ponte Vedra, Galiza

Segunda-Feira 20.00 a 22.00
Terça-Feira 20.00 a 22.00
Quarta-Feira 20.00 a 22.00
Quinta-Feira 20.00 a 22.00
Sexta-Feira 20.00 a feche
Sábado 20.00 a feche

Ponte Vedra 100% em galego

LIGAÇOES

COLETIVOS PONTE VEDRA


CENTROS SOCIAIS

INFORMAÇOM

LINGUA

ANTIRREPRESIVO

MEIO AMBIENTE

FEMINISMO

SINDICATOS

DESPORTOS