Recentemente vimos de conhecer a intençom do Ministerio de Fazenda de pôr à venda a sede pontevedresa, edifício histórico que fai parte da Igreja de Sam Francisco e que contém a única porta da muralha da cidade que se conserva atualmente.

Rapidamente, o PSOE ofereceu a possibilidade de que fosse adquirido por umha cadeia hoteleira para o converter nun hotel de 5 estrelas. Já em campanha eleitoral, o candidato do Partido Popular Telmo Martín propugera reconvertê-lo num "Parador" de luxo.

Desde a Associaçom Cultural Revira nom podemos mais que rejeitar qualquer opçom que signifique a privatizaçom dum monumento emblemático de Ponte Vedra baixo a escusa da crise, ou o que é o mesmo, converter o edifício de Facenda num “pelotaço urbanístico” rentável para os quatro de sempre. Ademais de ser um atentado contra um anaco de história da nossa cidade consideramos que os problemas que estamos a sofrer a classe trabalhadora nom vam resolver-se com a turistificaçom e o recurso ao tijolo. Exemplos avondam dos que aprender.

É por isto polo que apostamos por um uso público e cultural, aberto à populaçom, onde o tecido associativo disponha dum espaço para trabalhar e organizar-se. Proponhemos pois, a habilitaçom dumha grande biblioteca pública destinada ao empréstito e consulta de livros e audiovisuais, complementando assim as pequenas e antiquadas instalaçons da biblioteca Antonio Odriozola. Ademais, recolhemos a reivindicaçom histórica do alunado de gozar dum espaço amplo e permanentemente aberto para o estudo e trabalho de investigaçom perante a saturaçom das bibliotecas, principalmente em época de exames. Zonas para exposiçons e concertos, salas de conferências ou locais habilitados para as associaçons e colectivos da cidade que non disponhem de espaço físico onde reunir-se som algumhas das opçons que oferece o imóvel.

En definitiva, existem alternativas claramente racionais, que cubram as necessidades REALISTAS da cidadania, entre as quais non está a privatizaçom dos nosso património, e muito menos a turisficaçom como salvamento económico.

Assim, animamos o Concelho de Pontevedra, a continuar com a proposta de reconversom num espaço público e popular, de goze, desfrute e debate para todos os pontevedreses e pontevedresas.

Em Pontevedra, 18 abril de 2013

É com pesar que informamos do adiamento do ato previsto sobre a revoluçom na Venezuela. A direita venezuelana, apoiada polas principais potências capitalistas, a burguesia empresarial e a banca, dedica-se a conspirar para nom aceitar o trunfo de Nicolás Maduro e subvertir a vontade democrática do povo venezuelano. A direita venezuelana prepara um golpe de estado por meio da criaçom dum clima de instabilidade com ataques, incêndios e saqueios, que já causaram 7 mortos e 61 feridos.

Lamentavelmente este tipo de ataques também se estám a producir da outra beira do Atlántico. Também na Galiza proliferarom as ameaças de todo tipo, polo que a conferência tivo que ser adiada por motivos de segurança.

Desde A Revira transmitimos o nosso apoio às organizaçons populares, venezuelanas e internacionalistas, que se mobilizam em defesa da paz, a alegria e a continuidade do processo revolucionário, ao serviço da luita de todos os povos do mundo. Comprometemo-nos a celebrar o ato em quanto for possível.

Luta, cria, organiza-te!

A Revira organiza um intenso programa de atividades para comemorar o 25 de abril, revoluçom que rematou com 48 anos de ditadura fascista no nosso país vizinho. Para nós, lembrar o 25 de abril nom é apenas celebrar a resistência e a luta do povo português -e por extensom de todas as mulheres e homens que ao longo do mundo travam a luta contra o capital e o imperialismo. É umha oportunidade para solidarizar-nos com a luta de hoje, fundamentalmente a rebeldia fronte às impossiçons da troika que assolam o povo português. Assi, contamos com a presença do Bruno Carvalho, jornalista que nos falará da estrategia da esquerda lusa fronte o inimigo comum que quer empobrecer e sojuzgar os nossos povos, a Uniom Europeia.

Mas a data é também umha ocassom para celebrar a nossa cultura, o deporte, a fraternidade e a amiçade, polo que o programa de atividades é ainda muito mais amplo. Velaqui a agenda para os dias 26 e 27 (sexta-feira e sábado):

Dia 26, sexta:
Concerto dos Labregos do Tempo dos Sputniks.
O concerto celebrara-se às 23:00 da noite no Centro Social En Pé, na rúa Sarmiento. O bilhete tem um preço de 4 euros e ao remata pincharase música galega e portuguesa.

Sábado 27:

Às 16:30 celebrara-se um Aberto da Liga Nacional de Bilharda, na pista de terra do IES A Junqueira I.

Às 20:30, conferência do Bruno Carvalho no nosso Local Social: "A esquerda portuguesa fronte os ditados da Troika".

Às 22:30: Ceia e desgustaçom de produtos portugueses. Celebrara-se no nosso local social, com um preço de 8 €. Ao remate celebrara-se umha festa com preços populares e diversas surpresas.

As atividades contam com a cooperaçom das camaradas do C.S. En Pé e da Liga Nacional de Bilharda.