02-06-2007

  19:03:06, por Lugris   , 615 palavras  
Categorias: Cousas por aí, Escrever nom é mau

10 x 10 em Compostela

Há mais dum ano que o projecto do livro colectivo de poesia anda por aí. Por fim, está já nas ruas, nos andeis das livrarias, nas bancadas de materiais de centros sociais, locais sociais, bares, pubs,...
Um livro colectivo, onde 10 autoras, 10 autores, aportam os seus versos, as suas palavras, a sua poesia, para comemorar o X Aniversário de Primeira Linha.
O próximo Sábado, 9 de Junho, celebraremos a sua apresentaçom em Compostela.

Artur Alonso Novelhe, Suso Bahamonde, Maria Lado, Kiko Neves, Carlos Quiroga, Baldo Ramos, Concha Rousia, Sechu Sende, Ramiro Vidal e quem isto escreve, aportamos os nossos textos, Abrente Editora, a estrutura editorial de Primeira Linha, editou o livro, e o Centro Social Henriqueta Outeiro de Compostela acolherá a apresentaçom do volume.
A seguir, reproduzo na integra a nota de imprensa que a Abrente Editora enviou aos meios de comunicaçom, nom sem antes convidar-vos a participar do acto, e a encaminhar esta informaçom a todas as pessoas interessadas.
Vemo-nos lá!

APRESENTAÇOM DO LIVRO COLECTIVO DE POESIA ?DEZ POR DEZ?
Sábado 9 de Junho, 20.00h.
Centro Social Henriqueta Outeiro
(R/ Quiroga Palácios, 42, rés-do-chao, Compostela)

Com a participaçom da e dos autores:
Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Sechu Sende e Ramiro Vidal

Coincidindo com o X Aniversário de Primeira Linha (www.primeiralinha.org), a sua estrutura editorial, Abrente Editora, decidiu solicitar a dez poetas umha colaboraçom para celebrarmos esse aniversário. Eis o resultado: o volume colectivo ?10 x 10?, que fai o número 1 da sua colecçom literária Cabeça de Égua.
Com este título estreamos a nossa nova colecçom, destinada à publicaçom de textos literários. A literatura galega, os e as escritoras galegas, tenhem umha longa tradiçom de intervençom sóciopolítica e de colaboraçom com diversas entidades populares. Nessa tradiçom é que pretendemos que se insira nom só este livro, mas o conjunto da colecçom que agora começa.

Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Sechu Sende e Ramiro Vidal, as dez pessoas que aceitarom o nosso convite e participam neste volume, som representativas do actual momento que a poesia galega, e em geral a nossa literatura, está a viver. Diferentes idades, diferentes ópticas, diferentes poéticas, que nos mostram a vitalidade e, ao mesmo tempo, a utilidade, da poesia neste século XXI que estamos a começar.

Somos conscientes de que a participaçom de poetas reintegracionistas, junto com outros nom-reintegracionistas, num volume colectivo publicado integralmente no padrom proposto pola AGAL, causará supresas. Queremos daqui agradecer publicamente a todas elas e todos eles a sua entusiasta participaçom; e, especialmente, àquelas e àqueles que nom costumam utilizar o padrom reintegrado, a licença dada para publicarmos na norma da AGAL os seus textos. A maior parte dos poemas que apresentamos som inéditos, muitos deles é a primeira vez que vem a luz pública, tanto em papel como em qualquer outro suporte.

Situada entre as comarcas da Cabreira e o Berzo, com 2135 metros, Cabeça de Égua é o nosso particular Everest, o mais elevado cume do País, o teito da Galiza. Ao darmos este nome à nossa colecçom literária, pretendemos contribuir para superar o desconhecimento que umha boa parte das galegas e dos galegos possuem dumha naçom negada por mais de 500 anos de assimiliaçom, ao ponto de quererem amputar-nos umha boa parte do território, onde, além do mais, a resistência popular armada à ditadura franquista escreveu algumhas das suas páginas mais brilhantes.

Sem comentários ainda