O próximo venres, sexta-feira 13 de março, terá lugar no nosso centro social às 20:30hh, a assembleia para constituir o Foro da Mocidade pola língua na cidade. Esta iniciativa vem das juntanças celebradas em Vigo (24 de Janeiro) e Compostela (15 de Fevereiro) nas que se constituiu umha Assembleia Nacional da Mocidade pola língua, para defender o galego e tentar respostar ao espanholismo.
O Mádia Leva! queremos sumar-nos a iniciativa e agardamos que outros colectivos e pessoas interessadas participem na assembleia. O texto da 1ªconvocatória reproducimo-lo a continuaçom:
Hoje, no começo do século XXI, a língua é um elemento que nos identifica como povo, e a sua normalizaçom é garante da assimilaçom por parte da sociedade da sua identidade nacional.
A mocidade sempre foi um dos piares revolucionários da naçom. Com as nossas inquedanças, fomos historicamente quem de ser o motor das reivindicaçons nacionais. Auto-organizarmo-nos vê-se pois indispensável pra consolidarmo-nos como povo. É por isto que durante o curso passado diferentes moças e moços de diferentes posicionamentos ideológicos e sensibilidades acordamos constituir o Foro da Mocidade de Vigo.
O Foro da Mocidade de Vigo criou-se pois coma umha organizaçom horizontal, aberta e plural que dende umha perspectiva nacional dese resposta a estas inquedanças, e que foi quem de aglutinar e organizar ao conjunto da mocidade da vila.
Durante o curso passado desenvolvimos umha campanha baixo o título "Por um ensino em galego" na maioría dos centros de ensino público da vila, conformada por umha serie de palestras, projecçons, enquisas e realizaçom de murais, e culminada no mês de Abril com a mobilizaçom estudantil máis numerosa dos últimos 3 anos na cidade.
O espanholismo, que durante tempo estivo oculto no país, emerge novamente com a carouta da "liberdade de expressom". "Galicia Bilingüe", "Mesa por la Libertad Lingüística" ... son exemplos claros do reagrupamento destes sectores contra qualquer elemento diferencial que nos constitúa coma naçom.
Sendo a língua o principal elemento históricamente configurador da identidade nacional, para o indivíduo, e sabedores do carácter nacional do mesmo, convocamos a toda a mocidade galega e às súas organizaçons juvenís, políticas e sociais, à juntança nacional que baixo o nome de "Mocidade pola Língua" temos convocada para o 24 de janeiro às 17:00 hh no Local Social Faísca de Vigo.
