-A feira mantem-se em formato reducido e reivindicativo a partires das 12h00 do Sábado-
Por segundo ano consecutivo o Concelho de Lugo volta a suspender a feira de associaçons de Lugo. Os concelheiros responsáveis da proibiçom, Basadre, Zarzuela e Rábade, nom derom nenhumha razom convincente para voltar a censurar ao associacionismo da cidade. A petiçom para o uso das casetas e da praça realizou-se fai meses e contestarom justo três dias antes e quando os cartazes (tirados co apoio da Deputaçom de Lugo) já estavam editados. Dizer que se denega porque o Conselho de Associaçons de Lugo nom tem "personalidade jurídica" é rídiculo. Só nos demostra umha cousa: o espaço público é regulado de acordo aos interesses políticos de quem governa o Concelho, sendo quase inviável organizar qualquer evento em praças públicas de Lugo sem ter que passar pola sua peneira.
No mês de junho de 2008 o C.S. Mádia Leva! solicitamos umha praça no casco velho para organizar o nosso concerto polo primeiro aniversário. Passados dous meses ainda nom tinhamos resposta, depois de ir pola policia local (responsável de autorizar o uso do espaço público em Lugo) em várias ocasons tivemos que abandoar a ideia de fazer o concerto. Perguntavamos-lhe ao policia que como pensava que era possível organizar um concerto sem saber cumha mínima antelaçom se tinhamos permiso para usar a praça. Nom soubo respostar mais que "o procedimento sempre era o mesmo". Logo fomos a oficina de Cultura do Concelho e para a nossa sorpresa dixo-nos que a eles o permiso da policia local nom acostumava demorar mais de três dias. Nós levavamos dous meses agardando. Finalmente e justo a semana anterior a data para a que solicitaramos o permiso, o Concelho contestou autorizando-nos a usar a praça. Este nom foi um feito isolado, olhando o que aconteceu esta semana e o que já passou o ano passado coa feira de associaçons.
A maioria absoluta do governo de Orozco tem como resultado esta prática de censura de todo o que nom lhes interessa ou molesta. Vimo-lo co tema das polémicas obras no Parque Rosalia, mandando à policia local a multar activistas por colar cartazes, e vemo-lo agora coa feira de associaçons. Em cámbio sim tenhem permiso as festas da feria de abril, que nom só montou carpa e cenário na praça do Campo senom que chegou a durar até bem entrada a madrugada. Qual é o critério que empregam?
Nom imos deixar de empregar as ruas e praças de Lugo, paremos a censura. A rua é nossa.
-----
O CONCELLO NON PERMITE A CELEBRACIÓN DA FEIRA DE ASOCIACIÓNS POR 2º ANO CONSECUTIVO
O Consello de Asociacións Socioculturais de Lugo está sorprendido ca resposta do Concello para non dar o permiso para a realización da Feira de Asociacións que iba ter lugar este fin de semana na nosa cidade.
O luns nos comunican que foi porque non podían permitir máis tempo as casetas postas na rúa, e agora ante os medios de comunicación alega:
"no tiene personalidad jurídica, por no encontrarse registrado en la Xunta de Galicia. Por lo que parte de un defecto de forma que hace imposible que una administración pública lo acepte"
Tal e como indica o concello só é un defecto de forma, pero o Consello leva traballando dende vai moitos anos agrupando a 25 asociacións legalmente constituídas e rexistradas no concello e na Xunta, , facendo 3 ou 4 actividades anuais, e algunhas nas que colaborou o concello. De feito, o ano pasado traballamos VARIOS MESES CO CONCELLO para a realización da Feira sen ningún problema ata que 3 días antes dinnos que non se pode realizar.
O que ocurre é que non hai vontade política para autorizala e a excusa que dan non é creíble por ninguén.
O obxetivo do Consello é a realización da feira e que se regulen este tipo de actividades. Que se cree unha ordenanza para que a posibilidade de facer estas actividades non quede nun "limbo", só ó criterio persoal de non sabemos quen.
Consello de Asociacións Socioculturais de Lugo
