A passada quarta-feira dia 3 de junho, apresentou-se Iniciativa Internacionalista, Solidariedade entre os povos, no nosso centro social. Nela participarom o escritor e militante da Frente Popular Galega, Xosé Luis Mendez Ferrín e o também militante da FPG em Lugo, Xosé Manuel Seixas. Durante o acto analisarom-se os principais pontos programáticos desta candidatura às eleiçons europeias do dia 7 de junho, assim como também se falou da genese da mesma e da tentativa de ilegalizaçom protagonizada polo Ministério del Interior, que afinal nom foi avante.

Continua:

Ferrín definiu esta candidatura como umha frente dos povos do estado espanhol contra o imperialismo, à cabeça da qual vai Alfonso Sastre, que representa segundo ele aquele Madrid heroico do "no pasarán." Iniciativa Internacionalista está composta polas forças soberanistas e independentistas de esquerdas, as forças políticas da esquerda estatal respetuosas cos direitos nacionais dos diversos povos oprimidos polo Estado espanhol, assim como importantes movimentos sociais e sindicais, entre os que destacam o movimento antifascista; o movimento contra a privatizaçom da sanidade, a educaçom e os serviços públicos; as luitas obreiras contra os ERES e despedimentos; a luita dos estudantes contra o Plano Bolonha; os movimentos de mulheres... à sua vez, alguns destes movimentos sociais tenhem um importante artelhamento nacional-popular, especialmente nos povos onde o processo político soberanista está mais desenvolvido.

Em palavras de Ferrín: Iniciativa Internacionalista vai significar "umha nova fronteira" da consciência popular, ao conjugar a prática anti-capitalista coa reinvindicaçom do direito de autodeterminaçom, mas superando alianças como a velha Galeuzca, já que agora outros povos do estado, trabalhadores e intelectuais somam-se a esta luita.

Também criticou a Ramón Piñeiro, nestes dias nos que o "galeguismo residual" lhe dedica as Letras Galegas, lembrando que em essência foi um "anticomunista primordial, um antinacionalista contumaz e um atlantista convencido, alem do verdadeiro “autor” do europeísmo político em Galiza. Iniciativa Internacionalista situa-se nas antípodas de Ramón Piñeiro e dos inocentes que crerom, e aínda crem, a UE um talismam que lhe devolverá algum dia a Galiza a liberdade que nom tem e que arela.

Debulhou-se sobre o chamado processo de construçom europeia que deu lugar a umha UE exclusivamente capitalista, dirigida a traçar as políticas produtivas dos estados membros. Mas embora isto Ferrín afirmou ser necessária elevar a voz dos povos e da classe trabalhadora através desta candidatura, saindo eurodeputados que asumam o direito de autodeterminaçom. Esta candidatura na que estám sete representantes da Galiza será a melhor opçom para que a nossa voz como galegas este representada no Parlamento europeu.

O acto que acudirom umhas 40 pessoas, embora ao total silêncio na imprensa, rematou-se após diversas intervençons das assistentes.

Antes de pedir o voto para a candidatura citou estas palavras do Sempre en Galiza:

"Cremos que a auga doce dos rios pode fazer doce a auga salgada do mar; que a morte enchendo-se de vidas será vida; que a nada enchéndo-se de ilusons será todo. As nossas esperanças nom cabem nos lindeiros da razom."