Mais um ano Lugo viviu intensamente a noite do 23 de junho, as fogueiras iluminarom quase todos os bairros e paróquias, com esse sentimento que geram aquelas festas arraigadas na cultura popular e que configuram a nossa identidade atraves da história. No lume novo, chamado também a noite de Sam Joám, denominaçom cristianizada, celebra-se a chegada do solsticio de verao e está muito vinculada as tradiçons agrárias e pagans. Supom também toda umha demostraçom da auto-organizaçom do povo para fazer as suas festas.

Continua:

Nós somamo-nos a festa , organizamos o lume novo contra a especulaçom urbanística. Um lume contra os que pretendem contruir onde e como lhes pete para benefício próprio e fodendo toda a cidade. Muitas pessoas acompanharom a nossa fogueira a pesar de nom ser feriado o dia seguinte, ajudando a consolidar umha data de festa e reinvidicaçom no nosso particular calendario. Para a nossa Sociedade o lume novo do 2007 foi a nossa primeira saida a rua. Foi no mesmo lugar , nas Fontinhas, mas este ano com a colaboraçom do C.S. vagalume e mais da Associaçom em Defesa do Parque.

Passou o Sam Joam e temos que referir-nos ao Arde Lucus, que será este fim de semana. Umha festa criada fai poucos anos polo governo local do senhor Orozco, que alucinado polos filmes de romanos, pretende que revivamos o nosso passado "imperial". Nom está mal se a intençom é ter dous entroidos ao ano, (e um no verao) mas como recreaçom histórica é umha burla. Dentro da moda de que qualquer vila ou cidade tenha a sua festa de "recreaçom" histórica, Lugo nom podia ser menos, e Orozco trouxo-nos "umha de romanos". Empresas para dar espectáculos deste tipo som contratadas com grandes custos polo Concelho, mentres tratam de fechar a rua a organizaçom de qualquer festa ou acto as associaçons que trabalhamos desde a base. Pode que se nos disfarçamos de romanos poidamos fazer a feira de associaçons que censurou o concelho no mês passado?

Na vez de promover as nossas festas, estamos a ver como na Galiza certos políticos e empresarios tratam de sustitui-las por espectáculos como este, (por nom falar das touradas) esmagando a diversidade cultural de cada povo para transforma-las todas na mesma, mas com traxes de distinta côr. Um processo muito relacionado com a turistificaçom que sofre o nosso pais. O Lugo romano que vendem no Arde Lucus ao turista é mais umha marca publicitária no mercado deste negócio que pouco tem a ver coa cultura e muito menos coa história.

Lugo já ardeu. Vivam as nossas festas!!