Os três sindicatos agrários (SLG, UUAA e XXAA) e também a associaçom de cooperativas (AGACA) convocam para toda esta semana, do 13 ao 17 de julho, mobilizaçons conjuntas para reinvindicar um preço justo para o leite e garantia de recolhida nas explotaçons. A tratorada será às cidades de Lugo e Compostela.

As condiçons nas que vivem as familias com explotaçons de leite é dramática sendo um sector económico do que dependem muitas comarcas rurais da Galiza, e Lugo de jeito especial. Desde 1986 em que o Estado espanhol entrasse na UE sofreu umha brutal reconversom, a meados dos oitenta, perto de cem mil familias galegas eram donas de explotaçons leiteiras, hoje o seu número é de pouco mais de dez mil.

Nos anos oitenta as tratoradas fôrom a medida de pressom que os labregos e labregas empregarom para luitar contra a quota de produçom. Hoje volta a tratorada porque os preços do leite seguem baixando e levam meses por embaixo dos custos de produçom.

Adiante a tratorada.