O dia 19 de setembro fará-se em Lugo a III Massa Crítica Galega. Do Mádia Leva! animamos-te a participar nela para reivindicar o uso da bicicleta, ofertando alternativas ao emprego massivo do carro particular, especialmente nas cidades. A massa crítica de Lugo foi medrando em número de participantes mês a mês, juntando-se a outras cidades da Galiza e do mundo, que umha vez ao mês, saem a rua a defender umha cidade com menos contaminaçom e ruido.Umha cidade mais saudável para todas.
O carro particular é o símbolo do sistema capitalista e da sociedade de consumo. Também é o símbolo do individualismo selvagem que caracteriza a sociedade que nos tocou viver. O uso do carro é umha das principais razons da destruiçom do meio ambente, das desfeitas na nossa Terra pola construçom de auto-estradas e também o causante dumha verdadeira massacre (só nas estradas galegas houvo 265 no 2007, mais de 3000 pessoas no Estado). Há que dar alternativas a esta loucura sinistra. Algumhas temo-las muito próximas a todos nós, como é a bici.
A seguir reproducimos a informaçom sobre o evento, lembrando que ao remate da jornada haverá umha festa no nosso Centro Social:
Por terceiro ano consecutivo celebra-se a Massa Crítica Galega, mas...
Que é a Massa Crítica? Trata-se dumha "coincidência organizada" de ciclo-usuárias/os que realizam um passeio colectivo pola cidade. Deste jeito pretende-se visibilizar o uso da bicicleta como meio de transporte, animando ao seu uso e reclamando medidas para promociona-lo.
Porque galega? O movimento da massa crítica nasceu em Sam Francisco em 1992, e desde fai anos celebra-se em diferentes cidades galegas. A celebraçom desta massa crítica galega com periodicidade anual pretende ajuntar esforços, pôr em contacto às/os diferentes ciclo-ususárias/os, reclamar infraestruturas de comunicaçom entre as diferentes populaçons, intermodalidade com outros meios de transporte, etc. E também viver umha experiência única coa possibilidade de ligar diversom e reivindicaçom, que é o motor das massas críticas em todo o mundo.
Quando? A massa crítica celebra-se em Lugo o sábado 19 de setembro de 2009 às 17h, com saida na Praça Maior. Mas durante todo o dia haverá actividades paralelas, convocando-se às 11:30h também na Praça Maior a todas as pessoas que queiram participar. Também haverá a possibilidade de acudir desde outras partes de Galiza, em Coruña organiza-se umha ruta para chegar em bici a Lugo, e para quen venha de fora (de jeito organizado ou pola sua conta) haverá um Pavilhom na cidade para durmir.
Anima-te a participar desde evento único! Porque a bicicleta é o futuro! Usa a bici!
Resumo de actividades:
11:30h - Praça Maior: Começo de actividades
12:30h - Gasolineira do Minho: Talheres
(bicistórias, reparaçom, tuneado, acrobácias)
14:00h - Parque do Minho: Jantar Colectivo
17:00h - Praça Maior: Massa Crítica Galega
20:00h - CS Madia Leva: Festa !!!
http://www.bicis.info
http://www.bicis.info/foro
http://masacriticalugo.blogspot.com
Para apuntar-se na viagem organizada desde Corunha (saidas sexta-feira ou sábado): http://www.editgrid.com/user/masacriticacoru/masa_critica_galega
Acontecimento no Facebook: http://www.facebook.com/event.php?eid=126936907087&ref=mf
WWW:: http://www.bicis.info
