O sábado 28 de Novembro às 21h:00, organizamos um novo jantar temático, neste caso sobre a pataca.
Trae a tua especialidade feita com este tubérculo, jantarémo-lo tod@s junt@s no local.

Breve referência a pataca galega.
Debido a sua situaçom geográfica, e a que os seus portos chegavam expediçons procedentes do Novo Mundo, deveu ser Galiza um dos primeiros lugares da Europa onde se cultivou a pataca.
En condiçons normais, a sementeira realiza-se na primavera (março-abril) e a recolheita no verao (agosto-setembro), sendo nas zonas litorais onde se vem prantando e apanhando numha época mais temperá e num tempo posterior nas zonas de montanha e do interior.
A pataca veu a substituir à castanha na dieta d@s galeg@s : até entom todas as comidas eram acompanhadas polo preçado fruito do castiro, algo que seria impensável hoje em dia debido à invasom de espécies como os eucaliptos. Resulta curioso que ainda depois de tantos anos fiquem zonas na Galiza onde @s mais velh@s lhes seguem chamando "castanhas" às patacas.
A variedade de pataca mais utilizada no pais foi a álava, de origem alemá (hoje em processo de despraçamento a favor da Kennebeck de origem americana). Som habituais por igual as variedades red-pontiac e baraca.
O cultivo da pataca na Galiza define-se principalmente pola variável do auto-consumo, adicándo-se únicamente à venda a quantidade sobrante.
Devemos salientar três comarcas para o cultivo da pataca, nom só pola produçom para o consumo, senom porque houvo umha época na que fôrom produtoras de "Pataca de Semente Certificada": A Terra Cha, Bergantinhos e A Limia.