O dia 22 de Dezembro, às 20h:30, organizamos umha charla-colóquio co escritor e mitólogo Antonio Reigosa, que leva por título "Ritos e mitos do Natal"
Na actualidade o Natal é sobretodo umha festa consumista co Pai Natal como símbolo globalizado. Mas queremos achegar-nos ao Natal tradicional que pouco tinha que ver co de hoje.

Antonio Reigosa trabalha no Departamento de Didáctica do Museo Provincial de Lugo desde 1982. É escritor, conferenciante, investigador da mitologia e da literatura oral galega, colabora com trabalhos de divulgaçom relacionados coa história, a arte, a etnografia, a mitologia popular e a literatura oral en diversos meios de comunicaçom e revistas especializadas.

Co-fundador de "Chaira", Grupo de Investigaçom Etnográfica (Lugo 1992), com campanhas de recolhida de literatura oral em distintos concelhos da provincia de Lugo. Ponente en numerosas jornadas e congressos. Participa em campanhas de promoçom da leitura nos centros de ensino, bibliotecas e associaçons culturais.

Criador e coordenador de contéudos da Enciclopedia Virtual da Fantasía popular de Galicia denominada Galicia Encantada (www.galiciaencantada.com).

Coordenador da revista oral de periodicidade trimestral O pazo das musas, editada polo Museo Provincial de Lugo desde 2004.

Recebeu, entre outros, os seguintes premios: Certame Nacional de Artes e Tradicións populares do Ministerio de Cultura (1987), o Facho (1989), o Premio Merlín (1998), Premio Supernova (1999), Premio Raíña Lupa (2000), Lucense do Ano (2002), Premio Frei Martín Sarmiento (2005); e foi finalista do Premio Nacional de Literatura Infantil o ano 1999 com Memorias dun raposo, e do Premio Pura e Dora Vázquez de Creación Literaria o ano 2004 com Pesadelos.