No dia de onte, 4 de Fevereiro, morria o histórico militante nacionalista, Antom Moreda. Desde o Mádia Leva! queremos lembra-lo como o que foi: um luitador pola liberdade do nosso povo.
Antom Moreda natural da Marinha, finou como consequência dumha grave doença. Levava desde os 32 anos no Psiquiátrico de Castro. Mas antes tivo umha longa trajectória no nacionalismo. Primeiro foi fundador das Mocidades Galeguistas de Bos Aires a começos dos anos 50, que seguiam a linha dos arredistas agrupados no jornal A Fouce. A sua volta a Terra adicou-se a re-organizar o movimento que depois do golpe militar ficara esfarelado. Tomou contacto co grupo Brais Pinto e trabalhou para a editorial Galaxia.
Destacou por artelhar na clandestinidade o Conselho da Mocidade, do que seria segredário geral, até que foi purgado polo pinheirismo, que os riscava de "agentes comunistas". O seu pecado forá tratar de artelhar o galeguismo político frente as teses culturalistas.
Depois desta purga, que significou o fim do Conselho, Antom ingressaria no psiquiátrico mas ainda tivo participaçom em distintas iniciativas nacionalistas e de esquerdas. Um exemplo foi a revista a Gaiola Aberta da que era presidente.
O seu corpo será enterrado hoje na sua paróquia em Sam Miguel de Reinante(Barreiros).

Continua:

Texto tirado do livro "Antón Moreda: a loita dun galeguista". Editado polas Brigadas en Defensa do Património Chairego". ( À venda no nosso centro social.)

Confusión de ideas.
Pois ben. Algúns confunden o touciño coa velocidade.
Por exemplo: hai quem di que é conservador e non fala nin o idioma d´os pais nin d´os avós e vota por unha caste de políticos que prefiren seguir dependendo de Madrid a faguer valer os nosos direitos que como povo diferenciado que somos nos corresponden.
Tamén os hai que falan das guerrillas latinoamericanas que loitan pola sua liberación e chamanlles terroristas a irlandeses, bascos, cataláns e galegos que d´un xeito ou doutro tamén loitan pola liberación d´os seus respeitivos países.
En fin. Tamén os hai que loitaron por "una España, una grande y libre" e agora loitan pol-os mercaderes d´a Comunidade Económica Europea. E ós que pensando e loitando pola nosa Terra chamannos tolos.
Pois ben, seremos tolos, non o discuto, pro ós que sentimos á Galiza como patria temos direito a espor as nosas ideas pra por meio d´elas convencer ós nosos compatriotas de que o ideal d´unha Galiza ceibe é posibel.

Autoidentificación.
Nacín e crieime na Mariña de Mondonhedo, plo-lo tanto son galego. A miña Terra é tuda Galiza ou sexa a miña patria.
Frente aos separadores son separatista.Como a actual España se fixo a imaxe e semellanza de Castela e en base as suas características nacionais. Non me sinto hespañol.
Convenos a independencia e ter un estado artellado en base as nosas características nacionais? Penso que si.E penso porque asi progresariamos dacordo ás nosas posibilidades e características nacionais, que son moitas e boas. Sen esquecer a solidariedade human.