Umha dúzia de "Papa Noeis" manifestarom-se onte polo casco velho da cidade numha acçom na que chamavam à atençom sobre o recurte de direitos sociais e mais criticavam com retranca o consumismo.
Ao berro de "consume até reventar", "menos sindicalismo e mais consumismo","este Natal ao centro comercial",...e com cartazes irónicos e repartindo um panfleto que denunciava o culto ao dinheiro e ao acaparamento próprio destas festas, os activistas irrompêrom em algumhas das lojas de multinacionais mais conhecidas do centro de Lugo, como Zara ou Stradivarius e também no centro comercial "O Pazo da Maza".

No texto relacionavam o consumo , as hipotecas e os pagos à crédito com a perda de direitos sociais. Nas duas horas que durou a manifestaçom de "Papa Noeis" muitas pessoas ficarom sorpreendidas pola acçom. Este ano em vez de presentes deixarom centos de panfletos denunciando o consumismo.