Depois dum ano no que sofremos como nunca a campanha mediática espanholista com motivo do futebol, agora toca despedir o ano defendendo a única selecçom que nos representa: a galega. Com umhas instituiçons autonómicas que dam às costas a todo o que soe a Galiza, será novamente a vontade popular inquebrantável a que fará que mais um ano desfrutemos dum jogo da nossa Selecçom.
Graças a Siareir@s Galeg@s pola grande jornada que nos espera este domingo dia 26.
Siareir@s Galeg@s levará, mais um ano, à Selecçom Galega aos terrenos de jogo, consideramos que é o movimento popular quem deve enfrentar-se a esta nova negativa da Junta do desfrute da nossa selecçom.
Após do sucesso do ano passado, nesta ocasiom queremos melhorar as nossas actividades com um completo programa no que o ?rival? de Galiza será Palestina. Temos escolhido e luitado por disputar este jogo com um duplo objectivo.
O dia 26 voltaremos a ter umha jornada de festa e reivindicaçom em Ourense, na que berraremos bem forte que somos umha naçom e que temos direito a ter selecções desportivas e que por isso reclamamos a oficialidade.
JOGO:
Galiza jogará contra Palestina. Por Galiza participaram jogadores e jogadoras de diversas categorias dirigidas, mais um ano, por Pilar Neira e Fernando Vazquez. Nos próximos dias confirmaremos os jogadores e jogadoras incluid@s nesta convocatória e que defenderam a nossa camisola.
CONCERTO:
Para pôr fim à jornada organizaremos um concerto, na Praça Magdalena, depois do jogo. Contaremos com a actuaçom de três grandes grupos galegos, Keltoi, Royalties e Som do Galpom.
Nesta jornada também contaremos com a participaçom da Liga Nacional de Bilharda que desputará o III Aberto da Bilharda da Auténtica , com a actuaçom de Palhaços em Rebeldia e com um Jantar Popular a partires das 12:00 na Praça Magdalena.
UMHA NAÇOM, UMHA SELECÇOM!
