Dentro das actividades en prol da socializaçom do direito de autodeterminaçom, Causa Galiza apresentou o sábado passado na Galería Sargadelos umha nova cita nacional convocada o dia 30 em Lugo, em homenagem aos 165 anos da revolución galega que abriu o caminho ao soberanismo.

Os actos para essa jornada vam começar às 18:00 no Parque de Sam Roque e sucederám-se polas distintas ruas de Lugo, com intervençons dos historiadores Bernardo Maiz e Bernardo Penabade, recital poético de autores e autoras como Darío Xohán Cabana, Xiana Arias ou Daniel Salgado e a música tradicional da associaçom A Volta do Agro. O ponto final do roteiro será a Praça Maior, onde se producirá o acto político central com a presença da Portavozia da Causa Galiza.

À noite, a celebraçom vai continuar com umha foliada a partir das 20:00 no nosso centro social e umha ceia de convívio no mesmo local. E, já à meia noite, porá o ponto final un concerto na Sala 982 (Ronda da Muralha), com as actuaçons dos grupos Lugo Sen Descanso, Ondas Martenot, Das Kapital, Sacha na Horta e Os Tres Trebóns. A entrada ao concerto terá un preço de seis euros. Causa Galiza organizará um autocarro desde as comarcas de Vigo, Ponte Vedra e Santiago que volverá depois dos atos programados. Ademais, habilitará-se um espaço para durmir.

A convocatoria em memória da Revoluçom Galega de 1846, que o ano passado foi celebrada em Carral, chega este ano a Lugo em consoância com a decissom de Causa Galiza de levar a reivindicaçom da soberania nacional às comarcas galegas, e soma-se às convocatórias de 25 de julho e 6 de dezembro nas que a iniciativa autodeterminista tem conseguido unir a todo o movimento soberanista galego.