O grupo "Os Tres Trebóns" e Ondas Martenort (formaçom em lembrança do poeta Lois Pereiro, o homenageado das Letras Galegas 2011) musicam os actos de conmemoraçom da revoluçom de 1846 em Lugo. A programaçom da noite completa com o grupo local Lugo Sen Descanso e o espectáculo musical que Sacha na Horta trazem desde Compostela.
Os concertos começarám às 23h30 na Sala 982 na Ronda da Muralha,164 e fecharám as actividades do sábado como já anunciamos na anterior nova. "Semente da Galiza Soberana" será o lema que encabeçará esta homenagem o dia 30 de abril em Lugo. Cidade onde começou o 2 de abril de 1846 a revoluçom que remataria cos fussilamentos de Carral.
Ondas Martenot, Sacha na Horta, Os tres Trebóns e Lugo Sen Descanso serám os encarregados de pôr som a umha velada na que se combinarám nomes já consolidados como Xurxo Souto com formaçons que venhem a dar novos ares à música do pais.
O custe da entrada para estas actuaçons será de 6 euros. A organizaçom expenderá um bono especial de 12 euros que cubriria o preço da entrada aos concertos e a ceia que terá lugar no nosso centro social às 21h00.