O passado sábado, 17 de dezembro, umha representaçom do centro social participou nos actos de homenagem ao Marechal Pardo de Cela organizados pola Liga Céltica Galaica. O acto tivo lugar na Frouseira em honra às pessoas que faleceron na batalha contra tropas castelás fai 528 anos.
A seguir o texto da convocatória.

Continua:

A Frouseira (Carvalhido, Alfoz) é um cúmio onde noutrora houvo um castelo, e ainda se podem ver restos do murado. Na freguesia do Castrodouro (ALFOZ) ainda se conserva a torre da homenagem doutro antigo castelo, perto do cal -na casa de Fonso Yáñez- foi detido o Marechal Pardo de Cela, depois da traiçom de vinte e dous criados que se deixaron mercar
polos reis inimigos.
Entre esses dous castelos (que a tradiçom popular crê comunicados polo sochám atravesso de túneis) achám-se soterrados a soberania e os históricos direitos da Naçom Galega.
O 17 de dezembro do 1483, coa execuçom do Marechal -decapitado diante da catedral de Mondonhedo- ponhia-se fim à resistência e começava a tentativa de anexom pelo reino invassor, e mais aquilo que desde a corte castelá chamarom “Doma y castración del reino de Galicia”.
O sábado 17 de dezembro do 2011 queremos homenagear e lembrar a aqueles bravos galegos e galegas que luitaron na Frouseira, que aturarom o cerco, que conhecerom umha Galiza ceive e depois um povo submetido e ocupado... Na memória daqueles patriotas comemoramos a JORNADA DA RESISTÊNCIA GALAICA 2011.