Manhá 23 de dezembro co-organizamos umha feira de consumo responsável junto coa Cova da Terra. O Apalpador visitará nesse mesmo dia a cidade de Lugo. Às 18h00 da tarde na praça Maior temos umha cita co gigante carvoeiro do Courel.
Ao mesmo tempo haverá diversas actividades como obradoiros de brinquedos reciclados, chocolate quente, castanhas e jogos para crianças,etc. Também teremos mesas de material e diversa informaçom das associaçons.Como em anos anteriores o Apalpador fará a sua visita acompanhado de trasnos e de foliada polo que animamos à gente a que traia os seus instrumentos.
Neste evento colaboram também a Fundación Preescolar na Casa e a Granxa Garabullos.

A terça-feira, dia 20 teremos umha assembleia aberta às 20h30 para preparar a bem-vinda ao apalpador e o resto de actividades do dia 23.
Desde o ano 2008 a nossa associaçom leva recuperando esta figura do Natal galego. Pouco a pouco, e graças sobretodo aos centros sociais, e de jeito destacável a Gentalha do Pichel em Compostela, a chegada do Apalpador é umha realidade em boa parte do pais, extendendo-se cada ano um pouco mais. Mais informaçom no blogue do Apalpador