O Apalpador baixou do Courel a passada sexta-feira até Lugo, convidado polo Mádia Leva! e mais a Cova da Terra. Gostou como poidemos saber de ter participado neste evento que promovia um consumo responsável, porque como sabemos ele nom gosta do consumismo destas festas.

Fôrom muitas as crianças que agardavam a chegada do carvoeiro a isso das 18h00 na praça Maior, o que demostra que cada ano é mais querido polas meninas e meninos galegos. Aliás este ano trouxo com ele o braseiro e compartiu cos presentes as castanhas assadas. As crianças também tiverom um obradoiro de brinquedos reciclados algo do que gosta especialmente o Apalpador. Sobre às 20h00 tivo que ir embora acompanhado do seu trasno inseparável para continuar o percorrido que o leva nestas datas por boa parte do pais.

Aproveitamos para anunciar mais umha actividade em Lugo sobre o Apalpador. Será a apresentaçom do livro intitulado O Rei da Floresta, escrito pela professora e ativista Adela Figueroa Panisse e ilustrado por M.ª Celsa Sánchez Vázquez. A apresentação deste livro de contos, que agradará tanto a crianças como a adultos que conservem todavia o gosto pela fantasia, decorrerá às 20h00 da tarde de 28 de Dezembro na Galeria Sargadelos de Lugo (na Praça de Sto. Domingo). O professor e escritor Toño Núñez conduzirá este acto em que nom faltarám cantos e música.