A próxima sexta, 28 de maio terá lugar no C.S. Mádia Leva! a apresentaçom do projecto em rede "Eufalo.tv", às 20:30h, onde falarám os criadores/as do projeto.

Eufalo.TV é um projecto de documentário colaborativo, umha história colectiva sobre a língua do ponto de vista dos seus falantes. É, portanto, umha história feita a partir de pequenas histórias, um discurso feito com muitos discursos diferentes e variados, com o objectivo de que cada qual tire as suas próprias conclusons.

Full story »

Esta sexta-feira, 21 de março, continuamos coas alternativas à crise tratando neste caso o tema educativo.
Nesta jornada variamos o horário habitual começando o debate às 19h00 e logo a ceia.

Textos para o debate:
Enrique Javier Diez. Globalizaçom neoliberal e repercusons na educaçom.
Paulo Freire. Educaçom como prática da liberdade.
Michael W. Apple. Educaçom e poder.

Esta terça-feira, dia 18 de maio, a partir das 20h imos projectar o documentário O Mundo segundo a Monsanto realizado pela jornalista Marie-Monique Robin no qual se mostram os perigos do crescimento das plantações de transgênicos.

Baseiando-se em documentos inéditos, testemunhos de afectados e víctimas, camponeses, reconhezidos cientistas e destacados políticos, O Mundo segundo a Monsanto reconstroe a génese e desenvolvimento deste gigante industrial, a primeira productora mundial de sementes.

A política desenvolvida nestes últimos trinta anos longe de normalizar o galego tem conseguido as cifras de falantes mais baixas da nossa história. Agora a política do Partido Popular é de guerra aberta ao nosso idioma tentando diminuir o seu uso e recurtando a protecçom legal mínima que existia.
Desde o Mádia Leva! facemos um chamamento a acudir manhá, dia 17 de maio a manifestaçom que percorrerá Compostela em defesa do idioma.

Na tarde de onte tivemos a palestra sobre as minas da Terra Chá. Margarida e Carlos, representando a Comisión contra as minas, explicarom a destruçom que significam estas explotaçons mineiras para a comarca.
Coa última modificaçom da Lei do Solo abre-se a via para realizar actividades mineiras em solo rústico de protecçom agropecuária. Agora depende da pressom popular na defesa da comarca, já que como indicarom na palestra o governo actual autorizará ou nom as minas dependendo dos votos que poidam perder na jogada.
A luita contra as minas continua o dia 22 cum festival reivindicativo.
Será no recinto feiral de Muimenta (Moexmu) desde às 16h.Actuarám entre outros Zenzar, Garcia (DKTC), Ruxe-Ruxe ou Banda Potemkim. Mais informaçom no blogue:http://nonasminasterracha.blogaliza.org/
Este é o cartaz:

Full story »

A próxima quinta-feira dia 13 de maio a assembleia comarcal de Causa Galiza organiza umha nova palestra neste caso sobre língua e soberania nacional. O acto será na Galeria Sargadelos (praça de Santo Domingo) e dará começo às 20h00.
No mesmo participarám Antón Dobao (guionista e membro das Redes Escarlata) e Eduardo Maragoto (mestre e membro do conselho de redacçom do Novas da Galiza).

Dia 12, quarta-feira, às 20h00. Centro Social Mádia Leva!
Falará Marga Prieto da Comisión contra as minas na Terra Chá.
Organiza: Galiza nom se vende.

A vindoura quarta feira 12 de maio teremos umha palestra informativa sobre as minas de quarzo que a empresa Erimsa pretende levar adiante em vários concelhos da comarca chairega. Para isso contaremos coa presença de Marga Prieto que pertence à Comisión contra as minas e que nos falará de como afectará à vicinhança, a desfeita ambiental que provocaria a proliferaçom destas minas assim como da luita que estám a desenvolver.
A palestra é organizada por Galiza nom se vende, rede galega que soma mais de sessenta colectivos que luitamos na defesa do território.

Este primeiro ano de participaçom na Liga Nacional de Bilharda fecha-se este vindeiro domingo 9 co Aberto de Remourelhe. Se queres participar informamos de que haverá um carro desde Lugo que partirá pola manhá para estar no jantar que haverá prévio ao aberto.

Full story »

Depois de duas semanas de férias, e em colaboraçom coa Escola Popular Galega, o nosso grupo de estudos retoma os debates sobre a crise capitalista em andamento.

Dedicámos o primeiro trimestre a conhecer as teorias marxistas da crise, e o debate sobre a "teoria do colapso"; no segundo, aproximamo-nos às diferentes escolas práticas e teóricas que formulam alternativas ao capitalismo; agora, e a partir da sexta feira 7 de Maio, debulharemos práticas concretas que já estám activando-se na Galiza e no mundo.

Na vindoura sexta feira apresentarám-se diferentes alternativas que, no terreno do cooperativismo, estám a funcionar na América Latina.

No dia 21 de Maio, apresentarám-se projectos de educaçom galega e auto-gestionária.

A jornada do 4 de Junho estará centrada nas alternativas ao capitalismo no terreno do combate à fome, na defesa da nutriçom e da saúde.

Iremos informando periodicamente das sessons que se celebrarem. Todas começam às 21h00 e dam começo depois dumha ceia-convívio.

Os textos para esta sexta já estám disponíveis no centro social:
-Construçom popular cooperativa. A experiência do MTL na Argentina. Carlos Chile.
-Informe sobre cooperativas e expressons de poder popular. Vários autores.

Apresentamos imagens da jornada que Causa Galiza organizou no nosso centro social a passada sexta-feira dia 30 de abril. Primeiro coa palestra sobre autodeterminaçom e movimento obreiro na Galiza, na que falou o companheiro Joám Lopes. Logo a ceia e já no 1ºde maio seguiu a jornada cumha foliada no Cubil do Lobo.

Também apresentamos imagens da manifestaçom do Dia da Classe Obreira convocada pola CIG na que participamos como centro social.

Full story »