O Grupo de Estudos do Mádia Leva e a Escola Popular Galega vam fechando este seu primeiro trimestre, dedicado a estudar os diagnósticos que se fam sobre a crise capitalista. Dedicou-se o mês de Outubro a rever alguns clássicos do marxismo e o próprio Marx; continuou-se em Novembro estudando a "teoria do colapso" segundo o debate dos anos 30, através dum documento de Giacomo Marramao. E remata-se o ano (e o trimestre) com um longo texto de Jorge Benstein, "Rostos da crise".

Este conhecido analista da esquerda internacional (e colaborador em muitos meios latinoamericanos e lusófonos) amplia o conceito "crise", para defender a tese do colapso da civilizaçom burguesa em muitas ordes: na económica, mas também a militar, a tecnológica, a política, a cultural ou a ambiental.

A sessom de debate decorrerá na noite do 11 de Dezembro, depois da ceia habitual. Trás o debate, o Grupo de Estudos e a EPG preparám um caderninho formativo com as conclusons deste trimestre, para favorecer o debate no ámbito nacional.

Quem se quiger apontar a esta última sessom do trimestre terá que fazê-lo na lista aberta no centro social. Tamém aqui poderá recolher os textos, disponíveis desde o dia 2 de Dezembro.

A 6ªFeira 4 de Dezembro tivo lugar a ceia organizada pelos companheiros italianos e mais a projecçom do documentário "Zeitgeist".

Full story »

O próximo dia 6 de Dezembro cumprem-se 31 anos da nom-aprovaçom da Constitución espanhola no nosso pais. Na Galiza nom imos celebrar nada, mas o contrário vários actos autodeterministas unem-se à manifestaçom nacional e o completo programa de actos e concertos convocados por Causa Galiza para o próprio dia 6 na capital.

O sábado dia 5 as Brigadas Antifascistas de Lugo organizam umha concentraçom na praça Armanhá que começa às 20h:00.

Também na vila de Ginzo de Limia haverá um passa-ruas organizado polo C.S. Aguilhoar dentro da campanha de Causa Galiza.
Avante a luita pola autodeterminaçom!!

LEMBRA: 6 de Dezembro.Manifestaçom Nacional de Causa Galiza "Sobre nós, decidimos nós". Às 12h na Alameda de Compostela.

A 6ª Feira (venres) 4 de Dezembro tem lugar umha ceia italiana no Centro Social com cocinheiros autoctones.
A ceia terá lugar por volta das 21:00h e o remate da mesma projectarase o documentário "Zeitgeist".

Anotarse no local antes das 19h da 5ª Feira(xoves)

Full story »

Publicamos o calendário de abertos puntuáveis que nos ficam por desputar até o fim da tempada.

- 13 de dezembro: 5ª Jornada LNB: Aberto da Tripa Salgada en Sam Justo. Concelho de Barreiros.
- 20 de dezembro: 6ª Jornada LNB: Torneio do Galo em Cubelas Concelho de Ribadeo.
- 17 de janeiro: 7ª Jornada LNB: Aberto do Rodabalho (ou do Polvo) em Jove
- 7 de fevereiro: 8ª Jornada LNB: Torneio do Lacom en Meira
- 7 de março: All Star (num principio no Pino)
- 14 de março: 9ª Jornada LNB: Aberto do Percebe da Pena do Altar na pista da Anguiera (Barreiros)
- 11 de abril: 10ª Jornada LNB.Torneio Cidade de Lugo
- 9 de maio: 11ª Jornada LNB: Aberto do coelho de Suso em Remourelle
- 30 de maio: Finais em Conjo.

As datas dos torneios cidade de Lugo e mais o All Stars podem variar. Este ano o III Aberto da Cidade de Lugo será a 10ª Jornada e jogaremos na casa.
Se queres participar na equipa Mádia Leva! ou bem estas interessado na bilharda liga com nós através do correio madialeva.gz@gmail.com.
Mas nom só isso também estamos cozinhando um novo aberto na cidade de Lugo,mais concretamente arredor da Universidade. Agardamos que poida ser o começo da expansom bilhardeira na nossa comarca.

A próxima quarta-feira dia 2 de Dezembro às 17h haverá umha concentraçom na praça Maior,diante do concelho de Lugo. Pedimos a retirada da nova ordenança de civismo e a livre utilizaçom do espaço público.

O sábado 28 de Novembro às 21h:00, organizamos um novo jantar temático, neste caso sobre a pataca.
Trae a tua especialidade feita com este tubérculo, jantarémo-lo tod@s junt@s no local.

Full story »

Nesta sexta feira dia 27, no local do centro social, a Escola Popular e o Grupo de Estudos do Mádia Leva continuam o debate sobre a crise capitalista em andamento. Como todas as sextas feiras, a cea-tertúlia começará às 21:00h.

Depois dum primeiro bloco, dedicado à natureza das crises segundo o marxismo, passa-se a um segundo bloco: o debate surgido no movimento obreiro sobre a "teoria do colapso", que tivo o seu momento álgido nas primeiras décadas do século XX.

Continuaremos na reflexom sobre a segunda parte do texto de Giacomo Marramao, "Teoria da crise e problema da constituiçom" (publicada em Telos, no inverno de 1975).

As pessoas interessadas podem apontar-se no centro social ao longo desta semana.

O dia 12 de Outubro tivo lugar no Centro Social umha polvada contra a hispanidade para encerrar as Festas do Sam Froilám. Com um pouco de tardança presentamos algumhas fotos.

Full story »

Finalmente o dia 2 de Dezembro nom será tratado no pleno do Concelho o tema desta ordenanza de civismo. Isto dá-nos um bocado mais de tempo para desenvolver a campanha informativa.Seguramente a ordenança seja aprovada ou quando menos debatida no pleno do dia 14.

O sábado 21 começamos as actividades de rua. Um acto no que agentes da policia local tiverom que intervir porque uns moços pretendiam jogar a pelota diante do Concelho.Umha actividade que poderá ser sancionada com multas de até 750 euros. Sorte que de momento só era teatro.
O dia 24 houvo umha nova assembleia em regime de auto-convocatória para seguir a informar sobre a nova ordenança que se se aprova supora um verdadeiro recurte de liberdades na cidade.O trabalho informativo está a desenvolver-se dia a dia coa saida a recolher sinaturas nas ruas de Lugo. Se precisas informaçom ou queres colaborar na retirada desta ordenança passa polo C.S. Mádia Leva ou polo C.S. Vagalume.
Pronto disponibilizarám na web de Rádio Clavi um programa-debate sobre a ordenança.

Folha para a recolhida de sinaturas contra a Ordenança Municipal clicando cá'

Também podes assinar neste blogue:http://ordenanzaincivica.blogspot.com/.

Vemo-nos. Parar esta ordenança é trabalho de tod@s!