Dentro da jornada de memória histórica que preparamos este domingo dia 11, destaca o Aberto de bilharda que deputaremos pola tarde na pista de Sam Lázaro.
Este é o terceiro aberto que se organiza em Lugo mas é a primeira vez que umha equipa lucense joga na Liga Nacional. Já que logo este aberto será puntuável na classificaçom da Conferência Norleste polo que esperamos fazer um bo papel. Desde logo que este ano demos um passo mais na consolidaçom deste desporto na cidade e por isso agardamos que todo o que poida e goste venha polo bairro da Ponte este domingo para continuar neste caminho.
Vemo-nos a pé de pista!

Segundo vem de publicar-se na imprensa, o Movimento polos Direitos Civis, apresentou um escrito ante o Valedor do Povo solicitando que retirem as cámaras de video-vigiláncia do casco velho de Lugo.

Estes dispositivos estam funcionando sem nengum tipo de autorizaçom desde que caducasse o permisso em abril de 2008, mas o Concelho de Lugo nem a Subdelegación derom passo algum para retirar as cámaras.

Em março de 2009 , 52 novas cámaras fôrom colocadas na cidade, naquele momento já denunciamos o enorme recurte de liberdades que isto conleva. O modelo de cidade que agora desenham coa nova Ordenança de Civismo a piques de se debater a sua aprovaçom tem na video-vigiláncia o seu complemento idóneo para continuar a repremer o uso do espaço público.

Lembrar que o dia 15 às 20h00 haverá umha nova palestra da Plataforma contra a Ordenança de Civismo da que fazemos parte. Será no Uxio Novoneira.

A Escola Popular e o Grupo de Estudos do Mádia leva fecham o seu segundo trimestre de actividade. A sessom que fecha este bloco celebrará-se na na vindoura sexta feira 9 de Abril.

Serám debatidos dous textos: umha entrevista com Santiago Alba Rico e um ensaio de Gil de San Vicente: "Capitalismo em crise e internet vermelha".

As sessons começam às 21h00, com umha ceia de confraternizaçom que custa 3 euros. Os textos estám a dispor dos e das assistentes no centro social.

Esta terça-feira dia 6 haverá umha palestra dentro das Jornadas Abril Libertário, na que conheceremos o caso de Sergio, único detido na cimeira europea do 2002 en BCN que continúa encausado, torturado e humilhado, agora também o querem na cadeia ( pidem-lhe quase três anos).
Será às 20h no centro social.

Este mês de abril que começa manhá vem cheinho de actividades no nosso centro social. Do Mádia Leva! faremos fincapé em duas revoluçons que marcam a nossa história colectiva. Por um lado a chamada "Revoluçom Galega" de 1846 e por outro a Revolução dos Cravos em Portugal.
Mas o local também será cenário de diversas actividades de distintos colectivos. As jornadas libertárias,que organizam quatro palestras neste mês. A gente da AMI falará-nos da polémica censura da sua web e farám a projecçom do perigoso video de desenhos animados "Vilinguismo".
As Brigadas Antifascistas como já anunciamos no web terám um amplo abano de actividades o dia 17 nas II Jornadas Antifascistas.Por último, Causa Galiza organizará a finais do mês mais um acto, onde se falará do direito de autodeterminaçom e o movimento obreiro, prévio ao dia da Classe Trabalhadora.

ACTIVIDADES
Mês de Abril

Dia 6 Palestra sobre o caso de Sergio L.D. Abril Libertário. Às 20h
Dia 9 Grupo de estudos. Alternativas à crise. Às 21h. Ceia e debate.
Dia 11 Actos em memória do Levantamento de 1846
-Roteiro histórico pola cidade, com Uxío-Breogán Díeguez historiador.Às 12h desde o local.
-Jantar -popular no local.Às 14h.
-Aberto de bilharda. (X jornada da Liga de Bilharda)Às 16h no bairro da Ponte. Pista da Associaçom de Vicinh@s de San Lázaro.
Organiza Mádia Leva! e a LNB.
Dia 13 Palestra sobre os trangénicos. Abril Libertário. Às 20h.
Dia 14 .Projecçom ?Vilinguismo? e charla. Organiza AMI.Às 19h30.
Dia 17.II Jornadas Antifascistas.Organiza BAF Lugo. Às 16h festa música punk,oi,ska... às 20h sorteio e ceia.
Dia 20. Palestra sobre as luitas de Massó.Abril Libertário. Às 20h.
Dia 21. Projecçom: War on democracy. Às 20h. Organiza Mádia Leva!
Dia 23. Às 19h Palestra sobre a revolta em Grécia.Abril Libertário.
Às 21h.Ceia portuguesa (francesinhas) e festa com karaoke.Lembrando a Revolução dos Cravos.Organiza Mádia Leva!
Dia 27. Curso fotografia digital. Parte teórica. Às 19h.Organiza Mádia Leva! e Escola Popular Galega
Dia 30. Charla:?Autodeterminaçom e movimento obreiro.? Às 20h. Organiza Causa Galiza.
Dia 2(maio)Curso fotografia digital. Práctica. Às 19h.Organiza Mádia Leva e Escola Popular Galega.

Dia 11 de abril:
-12h. Roteiro pola cidade de Lugo acompanhad@s polo historiador Uxío-Breogán Díeguez. No percorrido explicará-se polo miudo aspectos da rebeliom iniciada na cidade e colarám-se paneis explicativos.
(Presidente da Revista Galega de História, Murguia)
-14h. Jantar popular no centro social. .
-16h. Aberto de bilharda. X Jornada da LNB.
Pista da Asociación de Vicinh@s de Sam Lázaro, bairro da Ponte.

O mês de Abril de 1846 ficará gravado na memória do povo galego polos acontecimentos que levarom por todo o pais anseios de liberdade, depois de que o dia 2 em Lugo um batalhom do exército se ergue-se sob o mando de Solis. Logo Compostela, Ponte Vedra, Tui,Vigo,somariam-se a rebeliom.

O 15 de Abril em Compostela decide-se criar dous corpos do exército, um deles teria a denominaçom de ?exército libertador de Galiza?, assim mesmo constituiria-se umha Junta Suprema do Reino de Galiza, que contará como Presidente a Pio Rodríguez Terrazo, e como Segredário a um dos principais ideólogos do Provincialismo (movimento no que se situam as origens do nacionalismo): o moço Antolim Faraldo. O mesmo será o que redija a proclama denunciando o asobalhamento no que vive Galiza ?convertida numha colónia da Corte?.

O dia 23 de Abril, en Montouto, na batalha de Cacheiras , será o começo da derrota dos sublevados. Depois ficaria a última resistência em Compostela. Os principais dirigentes desta revoluçom galega de 1846, serám fusilados o dia 26 polo que sempre serám lembrados como os Martires de Carral.

Do Mádia Leva! lembramos estes feitos com estes actos que já anunciamos para o dia 11 de abril, assim como a ediçom dum pequeno livrinho onde se recolhem os principais feitos desse histórico mês de abril.