O dia 12 de Outubro nós celebramos o Sam Froilam jantando como é tradicional nas festas o polvo à feira. Agardamos-te no local para jantar e fazer umha foliada depois polas ruas da cidade.Se te animas trae o teu instrumento. Aliás a noitinha actuam na cidade Fuxam os Ventos.
Para os imperialistas espanhóis que nos imponhem o seu calendário de feriados, o 12 de outubro celebram a "hispanidade". Nesta data conmemoram o descobremento de América e o nascimento do império espanhol. Disfarçam de encontro de civilizaçons o que historicamente significou um genocídio brutal contra dos povos indígenas. Só no Estado espanhol é que se celebra esta hispanidade, mas em nengum pais americano se laiam de ter acadado a independência. Galiza deve seguir o seu caminho.

Na Galiza o único dia nacional que temos é o 25 de julho, dia da Pátria Galega.

Para o jantar há que confirmar antes do dia 10 de outubro,bem no telefone 664207010,bem no mail madialeva.gz@gmail.com. O custo é de 10 euros. Polvo à feira, cachelos,vinho, sobremesa. A hora do jantar é as 14h:30.

Um ano mais começam os cursos oferecidos por o C.S Mádia Leva!. Além o periodo estival de verao queremos-nos juntar a 4ªF (mércores) 7 de Outubro por volta das 19h30 com o motivo de concretarmos os horários, conteúdos, grupos ... e dar começo dos mesmos.
Animamos a tod@s os sóci@s e nom sóci@os a participar !!!!!!!!!

CURSOS:
Esgrima medieval
Gaita
Pandeireta
Guitarra

Toda as 4ª-Feiras (mércores) realízase no Centro Social um COMEDOR POPULAR por volta das 14:30. Em eles está convidada toda a gente que deseje compartilhar esse tempo, e mais aportar o seu grao de area em forma de trabalho comunitário, jà seja ponhendo a mesa, fregando a louça, ajudando na cocinha ... .
A ementa decidese por os distintos comensais de umha semana para outra, e se o desejar cada quem pode trazer da sua casa umha ementa própria do seu gosto e compartilha-la.
Os gastos correm por conta do grupo de participantes que serám a suma dos ingredientes do jantar.
Quem queira apontarse deverá comunicalo no Cenro Social ou bem escrever o correio electronico madialeva.gz@gmail.com
BOM PROBEITO A TODAS

O domingo de tarde chegamos a paróquia de Vilamartim Pequeno no Concelho marinhao de Barreiros para desputar o Primeiro Aberto da Tempada Regular.Arrancamos a nossa participaçom na Conferência Norleste da LNB com quatro palanadores e umha palanadora. Apresentamo-nos na pista com muita ilusom mas sem pensar em chegar muito longe. Afinal classificamos dous palanadores que se baterom entre eles nas semifinais,polo que tivemos um representante na final a quatro. Nom conseguimos o requeijom, que era o prémio ao ganhador, mas marchamos com muitas boas vibraçons e coa ideia de melhorar a nossa equipa. Muito bo ambente pola Marinha mas tivemos que ir embora sem quase degostar os torrezmos a pé de pista.A segunda é dia de garabulhos.
A bilharda cravou-se de jeito firme na cidade de Lugo este fim de semana.Primeiro o aberto do II Aniversário que serviu de estreio na bilharda de muit@s companheir@s,logo o domingo a LNB. Pronto haverá novas incorporaçons.

Clasificaçôes:

Full story »

O sábado tivemos a jornada de celebraçom do nosso 2º Aniversário.Agora começa o curso e com ele a volta ao horário de sempre. Abrimos todos os dias menos os domingos (de 19h:30h a 22h:30h).Aqui vam umhas fotos do jantar , o Aberto de bilharda e mais do Zumbanocoiro.

Full story »

O plano urbanístico das costas do Parque Rosalia foi anulado polo Julgado do Contencioso de Lugo. A justiça dá a razom à Associaçom em Defesa do Parque Rosalia,embora a Conselheira de Urbanismo e o próprio construtor, tenhem pensado recurrir esta sentência. Ainda nom é suficiente para fechar a boca aos especuladores mafiosos. Da-lhes igual que está obra seja ilegal, mas cada vez o tenhem mais díficil.
Somos conscientes de que sem a pressom popular exercida nestes anos pouco ou nada poderiamos fazer para evitar estas desfeitas. Agora devemos seguir até que paralisem definitivamente as obras.

Parabens à Associaçom em Defesa do Parque e a todos e todas as lucenses.
Rosalia nom se vende!
Galiza nom se vende!

Este sábado 26 celebramos dous anos de vida do nosso Centro Social, embora a associaçom tenha alguns meses mais, o C.S. foi inaugurago em setembro de 2007. Desde entom trabalhamos atreu na construçom nacional, servimos de espaço de encontro para muitos projectos e luitas, formamo-nos e divertimo-nos.

Além de celebrar todo o feito, queremos começar o curso com força juntando-nos todos e todas neste dia. Este ano temos muitas novas ideias para fazer, já para este mês estamos a argalhar a participaçom na Liga Nacional de Bilharda, preparando os cursos diversos que começaram em outubro, a volta ao horário habitual abrindo todos os dias...

Em quanto ao aniversário, a isso das 12h30 começa a sessom vermú com relevância para as reformas feitas no local assim como a inauguraçom do 1º andar. As 14h30 o jantar (há que anotar-se antes da sexta-feira 25 no local ou no tlf. 664 20 70 10 e o preço seram 5 ouros). Pola tarde participa no incrivel aberto de bilharda sobre erva, como prévio ao começo da LNB (o domingo em Barreiros). Aliás da foliada que se organice no local, às 19h00 imos dar por rematada a nossa festa para achegar-nos ao Zumbanocoiro, festival de música tradicional, organizado pola Volta do Agro, que contara com as actuaçons d´A Volta do Agro, Bouba Pandereteiras, O Tear de Llerena e A Gaita de Sarandón, celebrará-se na praça de Campo Castelo.

A jornada da III Massa Crítica Galega juntou a umhas cem pessoas chegadas de diversos pontos do pais para marchar pola cidade reivindicando o uso da bici como meio de transporte mais saudável, económico e nom contaminante.
Pola manhá começou a jornada na gasolineira do Minho, que actualmente está abandonada. Um lugar simbólico,escolhido para afirmar que a bicicleta pode ser umha alternativa ao imperio do carro e a gasolina. Lá houvo diversos obradoiros entre eles o tuneado das bicis.
As 17h deu começo a massa desde a praça Maior que percorreu durante, mais ou menos, duas horas as ruas da cidade. A jornada rematou no nosso centro social. Aqui tedes algumhas fotos.
Vemo-nos na próxima massa crítica esta quinta-feira!!!

Full story »

O dia 19 de setembro fará-se em Lugo a III Massa Crítica Galega. Do Mádia Leva! animamos-te a participar nela para reivindicar o uso da bicicleta, ofertando alternativas ao emprego massivo do carro particular, especialmente nas cidades. A massa crítica de Lugo foi medrando em número de participantes mês a mês, juntando-se a outras cidades da Galiza e do mundo, que umha vez ao mês, saem a rua a defender umha cidade com menos contaminaçom e ruido.Umha cidade mais saudável para todas.
O carro particular é o símbolo do sistema capitalista e da sociedade de consumo. Também é o símbolo do individualismo selvagem que caracteriza a sociedade que nos tocou viver. O uso do carro é umha das principais razons da destruiçom do meio ambente, das desfeitas na nossa Terra pola construçom de auto-estradas e também o causante dumha verdadeira massacre (só nas estradas galegas houvo 265 no 2007, mais de 3000 pessoas no Estado). Há que dar alternativas a esta loucura sinistra. Algumhas temo-las muito próximas a todos nós, como é a bici.

A seguir reproducimos a informaçom sobre o evento, lembrando que ao remate da jornada haverá umha festa no nosso Centro Social:

Full story »

O próximo fim de semana, os dias 4 e 5 de setembro, celebra-se na vila de Salvaterra do Minho o XXIII festival da poesia do Condado. Este histórico festival comprometido coa nossa cultura, vai centrar as suas actividades nesta ediçom, na reinvindicaçom dum outro mundo contruido desde a base dos movimentos populares e que supere a actual "engranagem sócio-política". Como dim da SDC do Condado: "A nossa crise é o próprio sistema imposto".

Para chegar desde Lugo há que ir até Ourense e desde ali apanhar a A-52 que leva a Vigo.Depois do tunel da Franqueira, colher a saida a Ponte Areias e na rotonda virar a esquerda cara Salvaterra. Animamos a toda a gente que poida a achegar-se ao Condado.

Full story »