Nesta sexta feira dia 13, no local do centro social, a Escola Popular e o Grupo de Estudos do Mádia Leva continuam o debate sobre a crise capitalista em andamento. Como todas as sextas feiras, a cea-tertúlia começará às 21:00h.

Depois dum primeiro bloco, dedicado à natureza das crises segundo o marxismo, passa-se a um segundo bloco: o debate surgido no movimento obreiro sobre a "teoria do colapso", que tivo o seu momento álgido nas primeiras décadas do século XX.

Para isto, manejará-se um texto de Giacomo Marramao, professor de filosofia política em Itália, e umha das figuras senlheiras do pensamento de esquerdas daquele país nos anos setenta. O documento intitula-se "Teoria da crise e problema da constituiçom" (publicada em Telos, no inverno de 1975).

As pessoas interessadas podem apontar-se no centro social ao longo desta semana.

A próxima sexta-feira, 6 de novembro, às 21:30h projectaremos no C.S. Mádia leva! o documentário "O efecto Iguazú".

SINOPSE Este documentário mostra a luita de mais de 1500 trabalhadores de Sintel durante os 187 dias (do 29 de Janeiro ao 3 de Agosto de 2001) que estiverom acampados no Passeio da Castelhana em Madrid. Estes operários fôrom expulsados da sua empresa, filial de Telefónica, depois de umha venda fraudulenta.

O Segredario Geral de CCOO saira um pouco mancado da manifestaçom do 1º de maio de 2003. Os trabalhadores de Sintel nom perdoarom a traiçom à sua luita por parte de CCOO e UGT.

Full story »

Passou a noite de defuntos e no Mádia Leva! celebramo-lo. Como nom fai tantos anos, voltamos a fazer nas cabazas rostos sinistros, para logo ir deixando-as polas ruas do casco velho. Cada vez colhe mais folgos a recuperaçom do que na tradiçom céltica a que pertencemos denominam Samaim, festa que marca o passo ao inverno e na que as defuntas e as suas animas visitam de novo o mundo dos vivos.
Como muitas outras tradiçons galegas um par de geraçons a viver no consumismo fôrom suficiente para erradica-las quase por completo. Agora o mesmo consumismo co seu marketing trouxo o Halloween (a versom do samaim que os irlandeses levarom a EUA) mas devem conhecer que aqui já tinhamos a nossa própria tradiçom.

Full story »

O próximo dia 31 de Outubro celebramos no Centro Social a festa do Samaim.
As actividades começarám desde às 19h com obradoiro de cabazas, ceia e passa-ruas. Este é o terceiro ano que celebramos a festa das cabazas. O primeiro tivemos conta contos e umha queimada-performance, levando depois as cabazas até a praça de Santa Maria na nossa particular Santa Companha. O ano passado foi o Samaim anti-especulativo sinalando as obras da máfia urbanística com sinistras cabazas.
Os defuntos nom esquecem.

Full story »

A próxima sexta-feira, 30 de outubro, às 21h:00 voltamos ter grupo de estudos no Mádia Leva!. Será a segunda sessom do ciclo de debate "A crise capitalista e nós" em colaboraçom coa Escola Popular Galega.
Os textos que estamos a debatir estám disponíveis no centro social.
Para a ceia há que apontar-se antes no local.

Este ano o dia 18 de novembro além de lembrar a I Assembleia Nacionalista, imos sair a rua a defender o nosso idioma. Depois da manifestaçom de Outubro em Compostela demostramos que está nas nossas maos salvar o nosso bem mais preçado. Pois sem língua nom somos nada.

Iremos informando de todas as actividades que fagamos nessa data.

Cartaz dos cursos clicando cá'

Aberta a inscriçom para os cursos que já têm horários definitivos:

Esgrima Medieval: Terças e quartas-feiras de 20h30 a 21h30.
Pandeireta: Quintas-feiras. Iniciaçom de 20h15 a 21h15 e perfecionamento até às 22h15.
Gaita: Sextas-feiras (2 ao mês) de 19h30 a 21h30. Todas as segundas-feiras (Luns) ensaio.

O próximo 24 de outubro a Agrupaçom de Montanha Águas Limpas (AMAL) organiza um roteiro na comarca da Marinha, arredor da vila de Mondonhedo. Para quem queira participar disponibilizam albergue para a noite anterior por 3 euros. Aliás para qualquer dúvida há o seguinte telefone de contacto: 630350045.

Conhecendo o pais e também defendendo a Terra.

Em Mondonhedo olhamos as desfeitas provocadas pola construçom de parques eólicos e das novas estradas, e como nom os eucaliptos que já invadem toda a comarca da Marinha. Contudo a fermosura da zona tem agora que enfrentar umha nova ameaça pola construçom de duas minicentrais, no Salto de Cabana e mais no rio Figueiras, isso si, coa oposiçom popular dos e das mindoniensas, dando lugar a que em Fevereiro se constituisse a plataforma Furapresas.

Do Mádia Leva animamos a participar deste roteiro e também organizaremos carros para deslocar-nos até la.

Full story »

Do Mádia Leva! chamamos a participar activamente na manifestaçom em defesa do galego convocada para este domingo dia 18 em Compostela.

À protesta organizada pola plataforma Queremos Galego, soma-se um bloco crítico nucleado arredor do Manifesto dos Três Pontos (podes ler mais abaixo) e no qual participará também a plataforma reintegracionista Galego sempre Mais.
Lembrar que há auto-carros desde Lugo que organiza a CIG.

A melhor maneira de enfrentar os novos ataques a nossa língua está na rua e luitando.Recolhemos aqui o poema CANCIÓN PARA CANTAR TÓDOLOS DÍAS de Manuel Maria para encher de força e encorajar a tod@s @s galeg@s a participar desta manifestaçom.

Full story »

Nesta 6ªfeira,16 de outubro, o grupo de estudos do Mádia Leva!, em colaboraçom com a Escola Popular Galega, organiza a primeira sessom de debate, dentro dum ciclo de estudo sobre a crise capitalista na que estamos imersos.
O Mádia Leva!, através do grupo de estudos, vai trabalhar na área de Movimentos Sociais da EPG, que neste primeiro ciclo tratará a crise capitalista. Repassarám-se as distintas análises que se estám a realizar sobre o hipotético colapso do capitalismo; posteriormente, debaterám-se criticamente as propostas que se erguem dos movimentos populares.
As sessons de formaçom serám quinzenais, começando nesta sexta dia 16, a partir das 21:00h. Todas as sessons rematarám com umha ceia de confraternizaçom.

Desde hoje mesmo, as pessoas interessadas podem recolher no próprio centro social o primeiro bloco de textos.

Fragmentos de MARX, K. O Capital. Vol I. secçom VII. Capítulo XXIII, Vol III. secçom III. Capítulo XV; e Elementos Fundamentais para uma Crítica da Economía Política (Grundrisse).

Fragmentos de MARZOA, F.: (Re)introducción ao marxismo (1980).

Artigos de KURZ, R. ?O mito da produtividade. Desenvolvimento tecnológico, racionalização e desemprego? (1996)

KURZ, R. ?QUANTO CUSTA O MUNDO?.Os Estados jogam ao monopólio de crise.? (2008)