A jornada da III Massa Crítica Galega juntou a umhas cem pessoas chegadas de diversos pontos do pais para marchar pola cidade reivindicando o uso da bici como meio de transporte mais saudável, económico e nom contaminante.
Pola manhá começou a jornada na gasolineira do Minho, que actualmente está abandonada. Um lugar simbólico,escolhido para afirmar que a bicicleta pode ser umha alternativa ao imperio do carro e a gasolina. Lá houvo diversos obradoiros entre eles o tuneado das bicis.
As 17h deu começo a massa desde a praça Maior que percorreu durante, mais ou menos, duas horas as ruas da cidade. A jornada rematou no nosso centro social. Aqui tedes algumhas fotos.
Vemo-nos na próxima massa crítica esta quinta-feira!!!

Full story »

O dia 19 de setembro fará-se em Lugo a III Massa Crítica Galega. Do Mádia Leva! animamos-te a participar nela para reivindicar o uso da bicicleta, ofertando alternativas ao emprego massivo do carro particular, especialmente nas cidades. A massa crítica de Lugo foi medrando em número de participantes mês a mês, juntando-se a outras cidades da Galiza e do mundo, que umha vez ao mês, saem a rua a defender umha cidade com menos contaminaçom e ruido.Umha cidade mais saudável para todas.
O carro particular é o símbolo do sistema capitalista e da sociedade de consumo. Também é o símbolo do individualismo selvagem que caracteriza a sociedade que nos tocou viver. O uso do carro é umha das principais razons da destruiçom do meio ambente, das desfeitas na nossa Terra pola construçom de auto-estradas e também o causante dumha verdadeira massacre (só nas estradas galegas houvo 265 no 2007, mais de 3000 pessoas no Estado). Há que dar alternativas a esta loucura sinistra. Algumhas temo-las muito próximas a todos nós, como é a bici.

A seguir reproducimos a informaçom sobre o evento, lembrando que ao remate da jornada haverá umha festa no nosso Centro Social:

Full story »

O próximo fim de semana, os dias 4 e 5 de setembro, celebra-se na vila de Salvaterra do Minho o XXIII festival da poesia do Condado. Este histórico festival comprometido coa nossa cultura, vai centrar as suas actividades nesta ediçom, na reinvindicaçom dum outro mundo contruido desde a base dos movimentos populares e que supere a actual "engranagem sócio-política". Como dim da SDC do Condado: "A nossa crise é o próprio sistema imposto".

Para chegar desde Lugo há que ir até Ourense e desde ali apanhar a A-52 que leva a Vigo.Depois do tunel da Franqueira, colher a saida a Ponte Areias e na rotonda virar a esquerda cara Salvaterra. Animamos a toda a gente que poida a achegar-se ao Condado.

Full story »

No C.S. Madia Leva! vai-se celebrar nesta quinta-feira (xoves) 20 de agosto às 20.30 umha palestra sobre o caso de Núria Pórtulas a cargo de duas pessoas membros da sua campanha de apoio. O único que este processo tem provado é que Núria é umha mulher comprometida com a transformaçom da sociedade dumha perspectiva libertária e que no momento da sua detençom participava numha campanha de solidariedade contra a extradiçom a Itália dum preso anarquista. Pessoa que afinal foi absolta dos cargos que pesavam sobre ela. No entanto, o julgamento de Núria Pòrtulas continuou.

Full story »

Este verao temos que dar jeito ao novo andar do que dispomos no Mádia Leva! Assim ampliamos o espaço para continuar a fazer activismo em prol da construçom nacional e abrimo-lo ao associacionismo da cidade que precise de espaços onde realizar as suas actividades.Informamos que nas quartas e quintas feiras deste mês desde às 19:30h combinamos para fazer obras.

Full story »

O nosso Centro Social terá mais um ano presença no festival de Pardinhas 2009, organizado pola associaçom cultural Xermolos de Guitiriz, o qual celebra a sua XXX ediçom, sendo o festival de música tradicional com mais ediçons da Galiza.
O dia 1 e 2 de agosto estaremos no mesmo lugar que o ano passado tendo além do posto de balcom , material do colectivo, livros, camisolas,etc. Aliás também teremos comida, com opçons vegetas.

Estes som os grupos que venhem nesta ediçom ao festival :

Sabado 1

Muyayos de Raïz Holanda/Euskal Herria
La Belle Image Fanfare França
Hedningarna Suecia
Banda Potemkin Galiza

Domingo 2

Bloquinho da Salgueira Galiza
Lúa de Fouce Galiza
Pepe Vaamonde Grupo Galiza
Pan de Capazo nomadas

Como nom, haverá também a mostra de intrumentos de música tradicional, que organiza a Associaçom de Gaiteiros Galegos, haverá mostra de artesania, obradoiros de graffiti, talher de percusom brasileira, ...
Além dum jeito de finaciar o nosso projecto fora de subençons e auto-gestionado,através do posto de balcom, gostamos de apoiar este festival já que é um referente da cultura popular do nosso pais.

O próximo sábado dia 18 de julho, organizamos um jantar popular com motivo da celebraçom em Lugo do dia da Pátria Galega.Combidamos a participar dele a todas as pessoas interessadas. Queremos fazer deste dia umha jornada de convívio entre nacionalistas prévio às manifestaçons do próprio 25 em Compostela.

Full story »

Os três sindicatos agrários (SLG, UUAA e XXAA) e também a associaçom de cooperativas (AGACA) convocam para toda esta semana, do 13 ao 17 de julho, mobilizaçons conjuntas para reinvindicar um preço justo para o leite e garantia de recolhida nas explotaçons. A tratorada será às cidades de Lugo e Compostela.

Full story »

Desde esta semana até Setembro o nosso local abrirá só as segundas (luns) a sextas-feiras (venres). Os sábados abre-se se há actividades.
Horário de 19:30h a 22:30h.

Alguns dirám que foi um éxito a organizaçom das touradas em Sárria no dia de ontem, que já há umha grande tradiçom taurina na vila,etc. Nós só podemos estar satisfeitos por continuar coa tradiçom anti-taurina da vila, por juntar a mais de cem activistas diante da praça colocada na Outarela e sobretodo por lograr conscienciar a muitas sarrianas, especialmente entre a mocidade, da barbarie da sua "festa nacional".

Full story »